இந்தியாவில் கார் வாங்குபவர்கள் இன்று விலை மட்டுமின்றி பாதுகாப்பையும் முக்கியமாக கருத்தில் கொண்டு தேர்வு செய்கின்றனர். விபத்துகள் அதிகரித்து வரும் நிலையில், பயணிகளை பாதுகாக்கும் தொழில்நுட்ப வசதிகள் மற்றும் ஏர்பேக்குகள் போன்ற அம்சங்கள் இப்போது அடிப்படைத் தேவையாக மாறிவிட்டன. இதை முன்னிட்டு, ரூ.10 லட்சம் (எக்ஸ்-ஷோரூம்) வரையிலான விலையில் 6 ஏர்பேக்குகள் மற்றும் பல பாதுகாப்பு அம்சங்களுடன் சந்தையில் கிடைக்கும் ஐந்து முக்கியமான கார்கள் குறித்த தகவல்கள் இங்கே:

 ஹூண்டாய் எக்ஸ்டர் (Hyundai Exter)

ஹூண்டாயின் எக்ஸ்டர் என்பது அதன் எகானமி SUV வரிசையின் நுழைவு மாடல்.

• விலை: ₹6.21 லட்சம் முதல் ₹10.51 லட்சம்

• பாதுகாப்பு அம்சங்கள்: 6 ஏர்பேக்குகள் அனைத்திலும், ESC, ABS, EBD, ஹில் ஹோல்ட்

• குறிப்பு: ஹூண்டாய் நிறுவனம், அனைத்து மாடல்களிலும் 6 ஏர்பேக்குகளை வழங்கும் இந்தியாவின் முதல் கார் நிறுவனமாக உயர்ந்துள்ளது.

 மாருதி ஸ்விஃப்ட் 2024 (Maruti Swift 2024)

நான்காம் தலைமுறை ஸ்விஃப்ட் பாதுகாப்பு அம்சங்களில் பெரிய முன்னேற்றத்தைக் கொண்டுவந்துள்ளது.

• விலை: ₹6.49 லட்சம் முதல் ₹9.64 லட்சம்

• பாதுகாப்பு அம்சங்கள்: 6 ஏர்பேக்குகள், ஹில் ஹோல்ட், ESC, ABS + EBD, 3 புள்ளி சீட் பெல்ட்கள்

மாருதி டிசையர் (Maruti Dzire)

மாருதியின் பிரபலமான செடான் மாடல் டிசையர், தற்போது மிகவும் பாதுகாப்பான காராக மாறியுள்ளது.

• விலை: ₹6.84 லட்சம் முதல் ₹10.19 லட்சம்

• பாதுகாப்பு அம்சங்கள்: 6 ஏர்பேக்குகள், ESC, ஹில் ஹோல்ட், ABS + EBD, பின் டிஃபாக்கர்

• சிறப்பு: 5 நட்சத்திர குளோபல் NCAP மதிப்பீடு பெற்ற ஒரே மாருதி மாடல்.

 கியா செல்டோஸ் (Kia Seltos)

இளைய தலைமுறையினரிடம் பிரபலமான சிறிய SUV.

• விலை: ₹9.49 லட்சம் முதல்

• பாதுகாப்பு அம்சங்கள்: 6 ஏர்பேக்குகள், ESC, ஹில் ஸ்டார்ட் அசிஸ்ட், TPMS, ISOFIX, ABS + EBD, பார்்கிங் சென்சார்கள்

• சிறப்பு: பாரத் NCAPல் 5 நட்சத்திர மதிப்பீடு பெற்றது

 டாடா கர்வ் (Tata Curvv)

பாதுகாப்பு நம்பிக்கைக்கு அடையாளமான டாடா நிறுவனத்தின் சமீபத்திய SUV.

• விலை: ₹9.99 லட்சம் முதல்

• பாதுகாப்பு அம்சங்கள்: 6 ஏர்பேக்குகள், ESC, உயர்-திறன் எஃகு அமைப்பு

• சிறப்பு: பாரத் NCAP 5 நட்சத்திர மதிப்பீடு

இன்று பாதுகாப்பு என்பது விருப்பம் அல்ல, தேவையாக மாறியுள்ளது. இந்த 5 கார்கள், அதிநவீன பாதுகாப்பு தொழில்நுட்பங்களுடன் பயணிகளை நிம்மதியாக மற்றும் நம்பிக்கையுடன் பயணிக்கச் செய்கின்றன. ரூ.10 லட்சத்திற்குள் கார் வாங்க திட்டமிட்டிருப்பவர்கள், இந்த தேர்வுகளை கண்டிப்பாக பரிசீலிக்கலாம்.