ஹோண்டா நிறுவனம் அதன் பிரபலமான ஸ்கூட்டரான டியோ 125 இன் 2025 பதிப்பை இந்தியாவில் வெளியிட்டுள்ளது. நவீன தொழில்நுட்ப வசதிகளுடன் கூடிய இந்த புதிய மாடல், புதிய OBD2B தரநிலைக்கு ஏற்ப மாற்றப்பட்ட இயந்திரத்துடன் அறிமுகமாகியுள்ளது. DLX மற்றும் H-ஸ்மார்ட் என இரண்டு வகைகளில் வெளியாகியுள்ள டியோ 125, இளம் பயணிகள் மற்றும் நகர்ப்புற பயணர்களை குறிவைத்து வடிவமைக்கப்பட்டுள்ளது.

DLX மாடல் ₹96,749 (எக்ஸ்-ஷோரூம்) விலையில் விற்பனைக்கு வந்துள்ளது. அதே நேரத்தில், மேம்பட்ட அம்சங்களுடன் கூடிய H-ஸ்மார்ட் மாடல் ₹1,02,144 எனும் எக்ஸ்-ஷோரூம் விலையில் கிடைக்கிறது. இந்த இரண்டு மாடல்களும், சாதாரண ட்ரான்ஸ்போர்டேஷனை தொழில்நுட்ப வசதிகளுடன் கூடிய ஒரு அனுபவமாக மாற்றும் வகையில் உருவாக்கப்பட்டுள்ளது.

புதிய டியோ 125 இன் முக்கிய சிறப்பம்சங்களில் ஒன்றாக, 4.2 இன்ச் TFT டிஜிட்டல் டிஸ்ப்ளே குறிப்பிடத்தக்கது. இதில் மைலேஜ், ட்ரிப் மீட்டர், சுற்றுச்சூழல் தகவல் மற்றும் ரேஞ்ச் டேட்டா போன்ற பலவகையான பயனுள்ள தகவல்கள் வழங்கப்படுகின்றன. ஹோண்டா RoadSync செயலியில் ஸ்மார்ட்போனை இணைத்து Turn-by-Turn Navigation வசதியையும், அழைப்பு மற்றும் மெசேஜ் எச்சரிக்கைகளையும் பயனர் பெற முடிகிறது.

மேலும், ஸ்மார்ட் கீ சிஸ்டம் மற்றும் USB Type-C சார்ஜிங் போர்ட் ஆகியவை பயணத்தில் கூடுதல் வசதிகளை வழங்குகின்றன. ஸ்கூட்டரை கீ இல்லாமல் ஸ்டார்ட் செய்யும் வசதி, இன்றைய நவீன பயணிகளுக்கு தேவையான ஒரு முக்கிய அம்சமாக கருதப்படுகிறது.

இந்த ஸ்கூட்டர் ஐந்து வண்ணங்களில் கிடைக்கிறது: மேட் மார்வெல் ப்ளூ மெட்டாலிக், பேர்ல் டீப் கிரவுண்ட் கிரே, பேர்ல் ஸ்போர்ட்ஸ் மஞ்சள், பேர்ல் இக்னியஸ் பிளாக் மற்றும் இம்பீரியல் ரெட். ஒவ்வொரு கலரும் தனித்துவமான தோற்றத்தைக் கொடுக்கின்றது.

இயந்திரத்தின் விவரங்களில் பார்த்தால், இது 123.92 சிசி ஒற்றை சிலிண்டர், ஏர்-கூல்டு FI எஞ்சினால் இயக்கப்படுகிறது. இது 8.19 bhp சக்தி மற்றும் 10.5 Nm டார்க்கை வழங்குகிறது. மேலும், எரிபொருள் செயல்திறனை மேம்படுத்தும் Idling Start/Stop system வசதியும் இதில் உள்ளது.

மொத்தத்தில், ஹோண்டா டியோ 125 இன் 2025 பதிப்பு, நவீன தொழில்நுட்பங்கள், அழகிய வடிவமைப்பு மற்றும் நம்பகமான செயல்திறன் ஆகியவற்றின் இணைப்பாக அமையிறது. தினசரி பயணத்திற்கு ஸ்டைலான, ஸ்மார்டான மற்றும் வசதியான தேர்வாக இது மாறும் என்று நம்பப்படுகிறது.