கடந்த 1958ஆம் ஆண்டு டென்மார்க்கில் ஆராய்ச்சிக்காக வைக்கப்பட்டிருந்த குரங்குகளில் ஒருவித வைரஸ் கண்டறியப்பட்டதையடுத்து, அந்த வைரஸ் நோய்க்கு 'குரங்கு அம்மை' என்ற பெயர் பெற்றது.

இதையடுத்து இந்த நோய் முதன்முதலில் 1970 ஆம் ஆண்டில் காங்கோ ஜனநாயகக் குடியரசில் மனிதர்களில் கண்டுபிடிக்கப்பட்டது. அதன் பின்பு மனிதர்களிடையே பரவுவது முக்கியமாக சில மேற்கு மற்றும் மத்திய ஆபிரிக்க நாடுகளில் மட்டுமே பரவியது.

ஆனால் மே மாதத்தில், காய்ச்சல், தசைவலி மற்றும் பெரிய கொதிப்பு போன்ற தோல் புண்களை ஏற்படுத்தும் நோயின் வழக்குகள் உலகம் முழுவதும் வேகமாக பரவத் தொடங்கின.

இந்நிலையில் குரங்கு அம்மை என்ற பெயர் ஆப்ரிக்க கண்டத்தை இனரீதியில் இழிவுபடுத்துவதாக இணையத்திலும், பிற அமைப்புகளிலும் சில சமூகங்களிலும் காணப்பட்டது என்று உலக சுகாதார அமைப்புக்கு தெரிவிக்கப்பட்டது. 

இதனால் உலகளாவிய நிபுணர்களுடனான தொடர்ச்சியான ஆலோசனைகளைத் தொடர்ந்து, உலக சுகாதார மையம் குரங்கு அம்மை என்ற பெயரை "எம் பாக்ஸ்" என்று மாற்றியுள்ளது.

மேலும் குரங்கு அம்மை மற்றும் எம் பாக்ஸ் என்ற பெயர்கள் இரண்டும் பெயர்களும் ஒரு வருடத்திற்கு பயன்படுத்தப்படும் என்றும், அதன்பிறகு படிப்படியாக 'எம் பாக்ஸ்' என்ற பெயர் மட்டுமே பயன்படுத்தப்படும் என்று தெரிவிக்கப்பட்டுள்ளது.