உலகின் பல நாடுகள் மெட்ரோ ரயில் சேவையை அதிகம் பயன்படுத்துகின்றன. அதாவது, போக்குவரத்து நெரிசலை குறைக்கவும், மாசுபாடு மற்றும் பயண நேரத்தைக் குறைப்பதில் மெட்ரோ ரயில் அமைப்புகள் உலகின் பல நாடுகளில் உள்ள நவீன நகரங்களின் முக்கிய போக்குவரத்தாகவுள்ளன.

கடந்த 2025-ஆம் ஆண்டில் டாப் மெட்ரோ ரயில் கட்டமைப்பு நாடுகள் மற்றும் அவற்றின் நோக்கம் குறித்து சமீபத்திய அறிக்கையின்படி, உலகில் மிகப்பெரிய மெட்ரோ ரயில் நெட்வொர்க்குகளைக் கொண்டுள்ள நாடுகளின் பட்டியலை கீழே பார்க்கலாம்.

சீனா

உலகின் மிகப்பெரிய மெட்ரோ நெட்வொர்க்கைக் கொண்டுள்ள முதல் நாடாக சீனா திகழ்கிறது. 50-க்கும் மேற்பட்ட நகரங்களில் 9,500 கி.மீ-க்கும் அதிகமான தூரத்திற்குப் பரந்து விரிந்து முன்னணியில் உள்ளது.

அமெரிக்கா

முக்கிய நகரங்களில் சுமார் 1,300 கி.மீ. நீளமுள்ள மெட்ரோ நெட்வொர்க்குகளைக் கொண்டுள்ளது. தற்போது அதன் கட்டமைப்பை நவீனப்படுத்துவதிலும் மேம்படுத்துவதிலும் அதிக கவனம் செலுத்துகிறது.

இந்தியா

நகரங்களில் சுமார் 1,143 கி.மீ அதிகமான நீளத்துடன் அதிவேகமாக வளர்ந்து வரும் மெட்ரோ நெட்வொர்க்கைக் கொண்டுள்ள நாடு இந்தியா . சீனா மற்றும் அமெரிக்காவிற்கு அடுத்தபடியாக உலகின் மூன்றாவது மிகப்பெரிய மெட்ரோ நெட்வொர்க்கை கொண்டுள்ளது. குறிப்பாக டெல்லி, மும்பை, பெங்களூரு போன்ற 29 நகரங்களில் இது பரவியுள்ளது.

ரஷ்யா

மாஸ்கோ மெட்ரோ உலகப்புகழ் பெற்றது மற்றும் அதன் மிக ஆழமான நிலையங்களுக்காக அறியப்படுகிறது. மேலும் இது ஒரு மிகப்பெரிய மற்றும் மிகவும் திறமையான போக்குவரத்து அமைப்பாகும்.

ஜப்பான்

ஜப்பான் மிகவும் திறமையான மெட்ரோ அமைப்பைக் கொண்டுள்ளது. குறிப்பாக டோக்கியோ மெட்ரோ, உலகின் மிகவும் பரபரப்பான மற்றும் தொழில்நுட்ப ரீதியாக மேம்பட்ட போக்குவரத்து நெட்வொர்க்காக திகழ்கிறது.

தென்கொரியா

சியோல் மெட்ரோ உலகளாவிய ரீதியில் மிகவும் மேம்பட்ட ஒன்றாகக் கருதப்படுகிறது. இது நகரம் முழுவதும் விரிவான இணைப்புகளைக் கொண்டுள்ளது. இது அதன் ஸ்மார்ட் தொழில்நுட்பத்தை கொண்டுள்ளது.

ஐக்கிய இராச்சியம்

லண்டன் அண்டர்கிரவுண்ட் (London Underground) அமைப்பின் தாயகமாகும். இது உலகின் பழமையான மெட்ரோ ரயில் அமைப்புகளில் ஒன்றாகும். இந்த பட்டியலில் ஜெர்மனி, பிரான்ஸ், பிரேசில் போன்ற நாடுகள் அடுத்தடுத்த இடங்களை பிடித்துள்ளன.