கடந்த ஆகஸ்ட் 26-ஆம் தேதி, நேபாளம் - திபெத் எல்லையை ஒட்டிய பகுதியில் பனிப்பாறைகள் சரிந்து விழுந்து நேபாளத்தின் போட்டேகோஷி ஆற்றில் வெள்ளப்பெருக்கு ஏற்பட்டது. இதுவரை இந்த வெள்ளப்பெருக்கில் சிக்கி 1,100-க்கும் மேற்பட்டோர் உயிரிழந்துள்ள நிலையில், 4,800-க்கும் மேற்பட்டவர்களைத் தேடும் பணி தொடர்ந்து வருகிறது.

இந்த பேரிடர் மீட்பு பணியில் அந்நாட்டின் முதல் பெண் ஹெலி​காப்​டர் கேப்டனான பிரியா அதி​காரி அனைவரையும் கவனத்தையும் ஈர்த்துள்ளதோடு, பாராட்டுகளையும் பெற்றுள்ளார். வெள்ளப்பெருக்கு ஏற்பட்ட கடந்த 06 நாட்​களுக்​குள் சுமார் 100 மீட்​புப் பணி​களில் ஈடு​பட்டு ஏராள​மானோரை காப்​பாற்றியுள்ளார். இதுகுறித்​து, பிரியா அதி​காரி கூறியுள்ளதாவது;

வெள்​ளத்​தால் கடுமை​யாக பாதிக்​கப்​பட்ட ரசுவா பகு​தி​யில் இன்​னும் ஏராளமானோர் காணா​மல் போயுள்​ளனர். திடீர் வெள்​ளத்​துக்​குப் பிறகு திமுரே பகு​தி​யில் இருந்து முதல் இரண்டு நாட்​களில் மட்​டும் 200-க்​கும் மேற்​பட்​டோர் மீட்​கப்​பட்​டதாக தெரிவித்துள்ளார்.

இந்த மீட்பு பணிகளில் ராணுவத்​தின் 06 ஹெலி​காப்​டர்​கள் பணி​யில் ஈடுபட்டன. 06 நாட்​களுக்​குள் சுமார் 100 மீட்​புப் பணி​களில் ஈடுபட்டு ஏராள​மானோரை காப்​பாற்​றியுள்ளதாக கூறியுள்ளார். அதாவது, ''ஒவ்​வொரு முறையும் நான் சென்று தரை​யிறங்​கு ​போது, அங்கு மக்​கள் இருப்​ப​தை​யும், அவர்​கள் எங்​களை நோக்கி கையசைப்​ப​தை​யும் பார்க்​கிறேன். அப்​போது, 'நீங்​கள் உயிர் தப்​பி​விட்​டீர்​கள்' என்று அவர்​களிடம் கூறினேன்'' என்று தெரிவித்துள்ளார்.

பிரியா அதி​காரி

சவால் மிக்க இந்த விமானப் போக்​கு​வரத்​துத் துறை​யில், நேபாளத்​தின் முதல் பெண் ஹெலிகாப்​டர் கேப்​டன் என்ற பெரு​மையை பிரியா அதி​காரி பெற்றுள்ளார். சுற்​றுச்​சூழல் அறி​வியல் படித்​துள்​ள இவர்,  விமானப் பணிப்​பெண்​ணாக பணி​யாற்​றி​யுள்ளார். அதன் பின்னர், பிலிப்​பைன்ஸ் சென்று ஹெலி​காப்​டர் ஓட்​டு​வதற்​கான பயிற்சியை பெற்​றுள்ளார். 

கடந்த 2017-ஆம் ஆண்டு முழுநேர ஹெலி​காப்​டர் விமானி​யாகியுள்ளார். அதிக உயரத்​தில் மீட்​புப் பணி​களை மேற்​கொள்​வ​தில் நிபுணத்​து​வம் பெற்​ற இவர், இமயமலைப் பகு​தி​களில் தேடு​தல் மற்றும் மீட்​புப் பணி​களில் ஈடு​பட்​டதுடன், எவரெஸ்ட் சிகரத்​தில் காயமடைந்த மலை​யேற்ற வீரர்​களை​யும் மீட்​டுள்​ளார். சுமார் 6,200 மீட்​டர் உயரம் வரை​யிலும் அவர் மீட்புப் பணிகளில் ஹெலிகாப்டரை இயக்கியுள்ளார்.