'தனக்கு எதிரான ஊழல் வழக்கில் மன்னிப்பு வழங்க வேண்டும்' ; இஸ்ரேல் பிரதமர் கோரிக்கை..!

கடந்த 2019-ஆம் ஆண்டு இஸ்ரேல் பிரதமர் பெஞ்சமின் நெதன்யாகு மீது லஞ்சம், ஊழல், நம்பிக்கை மீறல், மோசடி உள்ளிட்ட பிரிவுகளின் வழக்குப் பதிவு செய்யப்பட்ட நிலையில், அவர் மீது மூன்று தனித்தனி வழக்குகளில் லஞ்சம் வாங்குதல், மோசடி மற்றும் உரிமை மீறல் ஆகிய குற்றச்சாட்டுகள் சுமத்தப்பட்டது. இதற்கு அமெரிக்க அதிபர் டிரம்ப் எதிர்ப்பு தெரிவித்திருந்தார்.

அத்துடன், நெதன்யாகு மீதான ஊழல் வழக்கில் அவருக்கு பொது மன்னிப்பு வழங்க வேண்டும் எனவும் கோரிக்கை வைத்தார். இந்நிலையில், இஸ்ரேல் பிரதமர், தனக்கு எதிராக நீண்ட காலமாக நடைபெற்று வரும் ஊழல் வழக்கு விசாரணையில் மன்னிப்பு வழங்குமாறு அந்நாட்டு அதிபரிடம் கேட்டுக் கொண்டுள்ளார். இதற்கான ஆவணங்களை அவர் சமர்பித்துள்ளார்.

இது தொடர்பாக இஸ்ரேல் பிரதமர் நெதன்யாகு வெளியிட்டுள்ள அறிக்கையில் கூறியுள்ளதாவது: ''நாட்டில் உள்ள பலரைப் போலவே, விசாரணையை உடனடியாக முடிக்க வேண்டும். இது நல்லிணக்கத்தை ஊக்குவிக்கவும் பெரிதும் உதவும் என்று நான் உறுதியாக நம்புகிறேன். இது தேசிய ஒற்றுமையை மீட்டெடுக்கும்.'' என்று கூறியுள்ளார்.