'திறமையான இந்திய குடியேறிகளால் அமெரிக்கா மிகப்பெரிய பயனாளியாக இருந்து வருகிறது'; எலான் மஸ்க் புகழாரம்..!

பாட்காஸ்ட் நிகழ்ச்சி ஒன்றில் பேசிய பிரபல தொழிலதிபர் எலான் மஸ்க் ''அமெரிக்கா திறமையான இந்தியர்களால், பெரிதும் பயனடைந்துள்ளதாகவும், அமெரிக்காவுக்கு குடியேறிய இந்தியர்களால் அமெரிக்கா மிகப்பெரிய பயனாளியாக இருந்து வருகிறது என்று குறிப்பிட்டுள்ளார்.

அத்துடன், அமெரிக்காவில் ஜோ பைடன் நிர்வாகத்தின் கீழ், எல்லைக் கட்டுப்பாடுகள் இல்லாமல் அனைவருக்கும் முழுமையான சுதந்திரம் அளிக்கப்பட்டதால் தான், சட்டவிரோத குடியேற்றத்தை ஊக்குவிக்கப்பட்டது என்று குற்றம் சாட்டியுள்ளார்.

மேலும், H1B விசா திட்டத்தில் சில தவறான பயன்பாடுகள் இருந்திருப்பதாக தான் நினைக்கிறதாகவும், ஆனால் இந்த திட்டத்தை மூட வேண்டும் என்ற எண்ணம் நிச்சயமாக இல்லை என்று கூறியுள்ளார். அத்துடன், திறமையானவர்களுக்கு எப்போதும் பற்றாக்குறை இருக்கும் என்றும் எலான் மஸ்க் தெரிவித்துள்ளார்.

அவரது பார்வையில், இவ்வாறான கடினமான பணிகளைச் செய்ய போதுமான திறமையானவர்களைக் கண்டுபிடிப்பதில் அவர்களுக்கு நிறைய சிரமங்கள் இருப்பது தனக்கு தெரியும், என்றும், இன்னும் திறமையானவர்கள் இருந்தால் நல்லது என்றும் கூறியுள்ளார்.