அமெரிக்க அதிபர் டொனால்ட் ட்ரம்ப் தென் ஆப்ரிக்காவில் நடந்த ஜி-20 மாநாட்டை புறக்கணித்துள்ளதோடு,  அமெரிக்க ப்ளோரிடா ஜி20 மாநாட்டில் தென் ஆப்ரிக்காவுக்கு  அழைப்பும் விடுக்கவில்லை. இது உலக அரசியலில் பெரும் புகைச்சலை கிளப்பியுள்ளது.

இதனையடுத்து, தென்-ஆப்ரிக்கா  மீது பல்வேறு குற்றச்சாட்டுகளை முன்வைத்து வருகிறார். இதன் காரணமாக அமெரிக்கா- தென்னாபிரிக்கா இடையே பகை நீடித்துள்ளது. இந்நிலையில், அந்நாட்டை கடுமையாக சாடி  ட்ரம்ப் இன்று வெளியிட்டுள்ள அறிக்கையில் கூறியுள்ளதாவது;

''தென் ஆப்ரிக்காவில் நடந்த ஜி20 மாநாட்டில் அமெரிக்கா கலந்து கொள்ளவில்லை, ஏனென்றால், அங்கு மனித உரிமை மீறல்கள் நடக்கின்றன. இன்னும் வெளிப்படையாகச் சொன்னால், அவர்கள் வெள்ளையர்களைக் கொன்று, அவர்களின் பண்ணைகளை அவர்களிடமிருந்து பறிக்க அனுமதிக்கிறார்கள்.

ஜி20 மாநாட்டின், நிறைவு விழாவில் கலந்து கொண்ட நமது அமெரிக்க தூதரகத்தின் மூத்த பிரதிநிதியிடம் ஜி20 தலைமைப் பொறுப்பை ஒப்படைக்க தென் ஆப்ரிக்கா மறுத்துவிட்டது. தென் ஆப்ரிக்கா எங்கும் உறுப்பினர் தகுதியற்ற நாடு என்பதை உலகிற்கு நிரூபித்துள்ளது. மேலும் அவர்களுக்கு நாங்கள் வழங்கி வரும் மானியங்களை உடனடியாக நிறுத்தப் போகிறோம்.'' என்று அமெரிக்க அதிபர் டிரம்ப் அறிக்கையில் கூறியுள்ளார்.