கொரோனா பரவலின் தாக்கம் குறைந்ததால் ஊரடங்கு உத்தரவு நீக்கம்.!!

உலகளவில் கொரோனாவால் உயிரிழப்பு 82 ஆயிரத்தை தாண்டியது. உலகளவில் கொரோனாவால் உயிரிழந்தவர்களின் எண்ணிக்கை 82,005 ஆக அதிகரித்து உள்ளது.

209 நாடுகளில் பரவியுள்ள கொரோனாவால் பாதிக்கப்பட்டோர் எண்ணிக்கை 14,30,516 ஆக உயர்ந்துள்ளது. உலகளவில் கொரோனா பாதிப்பிலிருந்து குணமடைந்தவர்களின் எண்ணிக்கை 3,01,828 ஆக அதிகரித்து உள்ளது.

சீனாவில் கொரோனாவால் 3,331 பேர் உயிரிழந்துள்ளனர். கொரோனாவால் பாதிக்கப்பட்டோர் எண்ணிக்கை 81,708 ஆக உயர்ந்துள்ளது. 77,078 பேர் குணமடைந்துள்ளனர்.

இந்நிலையில், 76 நாட்களுக்கு பின் சீனாவின் வுகானில் ஊரடங்கு தளர்த்தப்பட்டது. உலகளவில் கொரோனா வைரஸ் பரவத் தொடங்கிய சீனாவின் வுகானில் 76 நாட்களுக்கு பின் ஊரடங்கு உத்தரவு நீக்கப்பட்டு உள்ளது. கொரோனா பரவலின் தாக்கம் குறைந்ததால் ஊரடங்கை தளர்த்திக் கொண்டது சீன அரசு.