"தமிழகத்தில் வெயில் தாண்டவம்!": 5 டிகிரி வரை வெப்பம் உயர வாய்ப்பு; மலை மாவட்டங்களில் மழைக்குத் தூறல்!
TN Weather Update Temperature to Rise by 5F Light Rain Forecast for Hilly Areas
தமிழகத்தில் கோடைக்காலம் தொடங்குவதற்கு முன்பே வெயிலின் தாக்கம் அதிகரிக்கத் தொடங்கியுள்ளது. நாளை (மார்ச் 8) மாநிலத்தின் பல பகுதிகளில் வெப்ப நிலை வழக்கத்தை விட அதிகமாக இருக்கும் எனச் சென்னை வானிலை ஆய்வு மையம் எச்சரித்துள்ளது.
வெப்ப நிலை உயர்வு எச்சரிக்கை:
5 டிகிரி உயர்வு: தமிழகம், புதுச்சேரி மற்றும் காரைக்கால் பகுதிகளில் நாளை அதிகபட்ச வெப்ப நிலை இயல்பை விட 5 டிகிரி ஃபாரன்ஹீட் வரை உயரக்கூடும்.
சென்னை நிலவரம்: சென்னையில் வானம் ஓரளவு மேகமூட்டத்துடன் காணப்படும். அதிகபட்ச வெப்ப நிலை 99°F ஆகவும், குறைந்தபட்ச வெப்ப நிலை 77°F ஆகவும் பதிவாக வாய்ப்புள்ளது.
மழைக்கான வாய்ப்புகள் (மார்ச் 8 - 13):
தென்னிந்தியப் பகுதிகளின் மேல் நிலவும் வளிமண்டல கீழடுக்கு சுழற்சி காரணமாகச் சில மாவட்டங்களில் லேசான மழைக்கு வாய்ப்புள்ளது:
மார்ச் 8: நீலகிரி மற்றும் கோவை மாவட்டத்தின் மலைப் பகுதிகளில் ஓரிரு இடங்களில் லேசான மழை பெய்யக்கூடும்.
மார்ச் 9: மேற்குத் தொடர்ச்சி மலை மாவட்டங்கள் மற்றும் தமிழகக் கடலோர மாவட்டங்களில் லேசானது முதல் மிதமான மழைக்கு வாய்ப்பு.
மார்ச் 10 - 13: தென் தமிழக மாவட்டங்கள் மற்றும் கடலோரப் பகுதிகளில் ஆங்காங்கே லேசான மழை பெய்யக்கூடும் என்று தெரிவிக்கப்பட்டுள்ளது.
English Summary
TN Weather Update Temperature to Rise by 5F Light Rain Forecast for Hilly Areas