"தளபதியின் மகளிர் தின மெகா சீர்!": ₹2500 நிதி, 6 சிலிண்டர்கள், 1 பவுன் தங்கம் - விஜய் அதிரடி!

மாமல்லபுரத்தில் நடைபெற்ற தமிழக வெற்றிக் கழகத்தின் (த.வெ.க.) மகளிர் தின விழாவில், அக்கட்சியின் தலைவர் விஜய் பெண்களின் மனதை வெல்லும் வகையில் மூன்று பிரம்மாண்டத் தேர்தல் வாக்குறுதிகளை அதிரடியாக அறிவித்துள்ளார்.

சாதனையாளர்களுக்குக் கௌரவம்:
இந்த விழாவில், த.வெ.க. பெண் நிர்வாகிகள் மற்றும் பல்வேறு துறைகளில் முத்திரை பதித்த சாதனைப் பெண்களுக்கு 'வேலு நாச்சியார் - பெண்மையின் பேராண்மை' என்ற புத்தகத்தையும், கைக் கடிகாரத்தையும் விஜய் பரிசாக வழங்கினார்.

மகளிர் நலனுக்கான 3 மெகா வாக்குறுதிகள்:
மாதாந்திர ₹2500 உதவித்தொகை: அரசு ஊழியர்களின் குடும்பத்தினர் தவிர்த்து, மற்ற அனைத்து மகளிருக்கும் மாதந்தோறும் ₹2,500 நிதி உதவி வழங்கப்படும்.

அன்னபூர்ணி சூப்பர் சிக்ஸ்: இல்லத்தரசிகளின் சுமையைக் குறைக்க, ஆண்டிற்கு 6 சமையல் எரிவாயு (LPG) சிலிண்டர்கள் எவ்விதக் கட்டணமுமின்றி இலவசமாக வழங்கப்படும்.

அண்ணன் சீர் திட்டம்: இது ஒரு நெகிழ்ச்சியான அறிவிப்பாகப் பார்க்கப்படுகிறது. "தாய் வீட்டிலிருந்து வரும் அண்ணன் சீர்" போல, திருமணத்தின் போது பெண்களுக்குத் தரமான பட்டுச் சேலையுடன், ஒரு பவுன் தங்கம் சீதனமாக வழங்கப்படும் என விஜய் உறுதி அளித்துள்ளார்.