தென்கிழக்கு வங்கக்கடலில் நிலவும் மேலடுக்கு சுழற்சி காரணமாக, இன்று தமிழகத்தின் சில பகுதிகள், புதுச்சேரி மற்றும் காரைக்கால் பகுதியில் இடி, மின்னல் மற்றும் மணிக்கு 40–50 கிமீ வேகத்தில் வீசும் பலத்த காற்றுடன் லேசானது முதல் மிதமான மழை வர வாய்ப்பு உள்ளது.

இன்றைய கனமழை வாய்ப்பு:
கிருஷ்ணகிரி, திருப்பத்தூர், தர்மபுரி, சேலம், கள்ளக்குறிச்சி, நாமக்கல், திருச்சி, பெரம்பலூர், அரியலூர், புதுக்கோட்டை, தஞ்சாவூர், திருவாரூர், நாகபட்டினம், மயிலாடுதுறை மாவட்டங்களிலும் காரைக்காலிலும் ஓரிரு இடங்களில் கனமழை பெய்யலாம்.

நாளைய வானிலை (18 மே):
கிருஷ்ணகிரி, தர்மபுரி, திருப்பத்தூர், வேலூர் மற்றும் திருவண்ணாமலை மாவட்டங்களில் கனமழை சாத்தியம்.

19 மே:
கோயம்புத்தூர் மலைப்பகுதி, நீலகிரி, ஈரோடு, தர்மபுரி, சேலம், நாமக்கல், கள்ளக்குறிச்சி, திருச்சி பகுதிகளில் மழை நீடிக்கக்கூடும்.

மே 20, 22, 23 :
கோயம்புத்தூர் மலைப்பகுதி மற்றும் நீலகிரியில் இடைவிடாமல் கனமழை தாக்கும்.

சென்னை:
இன்று மற்றும் நாளை வானம் மேகமூட்டத்துடன் காணப்படும். சில இடங்களில் இடி, மின்னலுடன் மழை பெய்யும். வெப்பநிலை அதிகபட்சம் 36–37°C; குறைந்தபட்சம் 27°C வரை இருக்கலாம்.

மே 17 முதல் 21 வரை:
தமிழகத்தின் பல பகுதிகளில் வெப்பநிலை சாதாரணத்தை விட 2–3°C குறையும்.