சென்னை வானிலை ஆய்வு மையம் வெளியிட்டுள்ள சமீபத்திய அறிக்கையில், பூமத்திய ரேகையை ஒட்டிய இந்தியப் பெருங்கடல் – வங்கக்கடல் மத்திய பகுதிகளில் நிலவிய வளிமண்டல மேலடுக்கு சுழற்சியின் தாக்கத்தால், கடந்த 05-01-2026 மாலை 5.30 மணியளவில் தென்கிழக்கு வங்கக்கடல் பகுதிகளில் காற்றழுத்தத் தாழ்வு பகுதி உருவானதாக தெரிவித்துள்ளது.

இந்த தாழ்வு பகுதி, 06-01-2026 காலை 5.30 மணியளவில் ஆழ்ந்த காற்றழுத்தத் தாழ்வு பகுதியாக வலுப்பெற்று அதே இடத்தில் நிலவுகிறது. இது மேற்கு – வடமேற்கு திசையில் நகர்ந்து, இன்று (07-01-2026) தென்கிழக்கு வங்கக்கடல் பகுதியில் காற்றழுத்தத் தாழ்வு மண்டலமாக மேலும் வலுப்பெற வாய்ப்பு உள்ளது.

தொடர்ந்து நாளை அதே திசையில் நகரக்கூடும் என்றும் வானிலை மையம் கணித்துள்ளது.இதனுடன், குமரிக்கடல் பகுதிகளிலும், லட்சத்தீவு மற்றும் அதனை ஒட்டிய மத்தியகிழக்கு அரபிக்கடல் பகுதிகளிலும் தனித்தனியாக வளிமண்டல கீழடுக்கு சுழற்சிகள் நிலவி வருகின்றன.
மழை முன்னறிவிப்பு
இன்று (07-01-2026):
கடலோர தமிழகத்தின் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். உள் தமிழகப் பகுதிகளில் பெரும்பாலும் வறண்ட வானிலை நிலவும். அதிகாலை நேரங்களில் சில இடங்களில் லேசான பனிமூட்டம் காணப்படலாம்.
நாளை (08-01-2026):
கடலோர தமிழகத்தின் சில இடங்களிலும், புதுவை, காரைக்கால் மற்றும் உள் தமிழகத்தின் ஓரிரு பகுதிகளிலும் மிதமான மழை பெய்ய வாய்ப்புள்ளது.
09-01-2026:
கடலோர தமிழகத்தின் பல பகுதிகளிலும், புதுவை மற்றும் காரைக்கால் பகுதிகளிலும், உள் தமிழகத்தின் சில இடங்களிலும் இடி, மின்னலுடன் கூடிய மிதமான மழை பெய்யக்கூடும்.
மயிலாடுதுறை, நாகப்பட்டினம், தஞ்சாவூர், திருவாரூர், புதுக்கோட்டை மாவட்டங்களில் கன முதல் மிக கனமழை பெய்ய வாய்ப்பு உள்ளது.
ராமநாதபுரம், சிவகங்கை, திருச்சி, அரியலூர், கடலூர், விழுப்புரம், செங்கல்பட்டு மற்றும் புதுவை பகுதிகளில் கனமழை எதிர்பார்க்கப்படுகிறது.
10-01-2026:
கடலோர தமிழகத்தின் பெரும்பாலான பகுதிகளிலும், புதுவை, காரைக்கால் மற்றும் உள் தமிழகத்தின் சில இடங்களிலும் இடி, மின்னலுடன் கூடிய மழை தொடரும்.
கடலூர், விழுப்புரம், செங்கல்பட்டு மற்றும் புதுவை பகுதிகளில் மிக கனமழை பெய்ய வாய்ப்பு உள்ளது.
சென்னை, திருவள்ளூர், காஞ்சிபுரம் உள்ளிட்ட பல மாவட்டங்களில் கனமழை எச்சரிக்கை விடுக்கப்பட்டுள்ளது.
11-01-2026 & 12-01-2026:
தமிழகம் முழுவதும் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.
சென்னை உள்ளிட்ட வட மாவட்டங்களில் கனமழை பெய்யும் சாத்தியம் உள்ளது.
சென்னை & புறநகர் வானிலை
இன்று:
வானம் ஓரளவு மேகமூட்டத்துடன் காணப்படும். அதிகாலை நேரங்களில் லேசான பனிமூட்டம் ஏற்படலாம்.
அதிகபட்ச வெப்பநிலை 29°C-ஐ ஒட்டியும், குறைந்தபட்சம் 23–24°C-ஐ ஒட்டியும் இருக்கக்கூடும்.
மீனவர்களுக்கு எச்சரிக்கை
தமிழக கடலோரம், மன்னார் வளைகுடா & குமரிக்கடல்:
07 முதல் 10-01-2026 வரை மணிக்கு 40–50 கி.மீ வேகத்தில், இடையிடையே 60 கி.மீ வேகத்தில் சூறாவளிக் காற்று வீசக்கூடும்.
வங்கக்கடல் பகுதிகள்:
தென்கிழக்கு மற்றும் தென்மேற்கு வங்கக்கடல் பகுதிகளில் 07 முதல் 10-01-2026 வரை கடும் காற்று வீசும் என்பதால், மீனவர்கள் கடலுக்கு செல்ல வேண்டாம் என அறிவுறுத்தப்பட்டுள்ளது.
அரபிக்கடல்:
இந்த காலகட்டத்தில் எச்சரிக்கை ஏதும் இல்லை.