சென்னை பெருங்களத்தூரில் பணம் கேட்டுப் பொக்லைன் ஆபரேட்டரைத் தாக்கிய வழக்கில், தமிழக வெற்றிக் கழகத்தின் (தவெக) முக்கியப் பிரமுகர் ஜெய்கிருஷ்ணன் என்பவர் கட்சியிலிருந்து அதிரடியாக நீக்கப்பட்டுள்ளார்.

தாக்குதல் சம்பவம் மற்றும் பின்னணி:

சென்னை பெருங்களத்தூர் பகுதியில் உள்ள பாலாஜி நகரில் கட்டிடம் ஒன்றை இடிக்கும் பணி தற்பொழுது நடைபெற்று வருகிறது.

பொக்லைன் ஆபரேட்டர் மீது தாக்குதல்: இப்பணியில் ஈடுபட்டிருந்த பொக்லைன் ஆபரேட்டரான அழகுதுரை என்பவரிடம், தவெக பிரமுகர் ஜெய்கிருஷ்ணன் சட்டவிரோதமாகப் பணம் கேட்டு மிரட்டியதாகக் கூறப்படுகிறது.

பரபரப்பு வீடியோ: பணம் தர மறுத்த அழகுதுரையை, ஜெய்கிருஷ்ணன் கொடூரமாகத் தாக்கியுள்ளார். இந்தத் தாக்குதல் தொடர்பான வீடியோ காட்சிகள் சமூக வலைதளங்களில் வெளியாகி, இணையத்தில் மிக வேகமாக வைரலாகின.

கட்சித் தலைமை அதிரடி நடவடிக்கை:

பொதுமக்களுக்கும் தொழிலாளர்களுக்கும் அச்சுறுத்தல் ஏற்படுத்தும் வகையில் தவெக பிரமுகர் வன்முறையில் ஈடுபட்ட இந்த வீடியோ, சமூக வலைதளங்களில் பெரும் விவாதப் பொருளாக மாறியது.

இதனைத் தொடர்ந்து, கட்சியின் நற்பெயருக்குக் கங்கம் விளைவிக்கும் வகையில் செயல்பட்டதாகக் கூறி, ஜெய்கிருஷ்ணன் என்பவரைத் தமிழக வெற்றிக் கழகத்தின் அடிப்படை உறுப்பினர் பொறுப்பு உட்பட அனைத்துப் பொறுப்புகளிலிருந்தும் உடனடியாக நீக்கி கட்சித் தலைமை தற்பொழுது அதிரடி உத்தரவு பிறப்பித்துள்ளது. வன்முறையில் ஈடுபடுபவர்கள் யாராக இருந்தாலும் கட்சியில் இடமில்லை என்பதைத் தவெக தலைமை இந்த நடவடிக்கையின் மூலம் வெளிப்படுத்தியுள்ளது.

ஆட்சிக்கு வந்த முதல் நாள் முதல் அனைத்து கட்ட பஞ்சாயத்து ரவுடி தனம் மிரட்டல் மாமூல் என கிளம்பிட்டானுங்க..

எளிய மக்கள் மீது ஒரு சாதாரன கட்டிட தொழிலாளிட்ட போய் உன் வீரத்த காட்டுற - ஏண்டா தெறி படமா காட்டுற.. திருப்பி அடிக்க துணியாத நபர் மீது கை வச்சு வீரத்தை காட்டும் இவன் உடனடியாக… pic.twitter.com/Mfob4NE5Qp

— Maridhas (@MaridhasAnswers) May 30, 2026