தமிழக அரசு ஊழியர்கள் அனைவரும் தங்களின் அசையும், அசையா சொத்துகள் மற்றும் கடன் விவரங்களை வருகிற அக்டோபர் 31-ஆம் தேதிக்குள் இணையதளத்தில் பதிவு செய்ய வேண்டும் என்றும், தவறினால் பதவி உயர்வு மறுக்கப்படுவதோடு ஒழுங்கு நடவடிக்கை எடுக்கப்படும் என்றும் தமிழக அரசு தலைமைச் செயலாளர் சாய்குமார் உத்தரவிட்டுள்ளார்.

சொத்து விவரங்கள் தாக்கல் கட்டாயம்: தமிழக அரசு ஊழியர்கள் தங்களின் அசையும் மற்றும் அசையா சொத்துகள், சேமிப்புகள், கடன் உள்ளிட்ட அனைத்து விவரங்களையும் 'ஒருங்கிணைந்த நிதி மற்றும் மனிதவள மேலாண்மை அமைப்பு' (IFHRMS) இணையதளத்தில் அக்டோபர் 31-க்குள் பதிவேற்றம் செய்ய வேண்டும்.

பினாமி/உறவினர் சொத்துகள் வெளிப்படைத்தன்மை: வேறு நபர்களின் பெயரில் அரசு ஊழியர்கள் சொத்துகள் வாங்கியிருந்தாலும், அவற்றைக் குறிப்பிட்டு, அந்நபருக்கும் அரசு ஊழியருக்கும் உள்ள உறமுறையையும் தெளிவாகத் தெரிவிக்க வேண்டும்.

பதவி உயர்வுக்கு நிபந்தனை: உரிய காலக்கெடுவுக்குள் சொத்து மதிப்புகளைத் தாக்கல் செய்யும் அரசு ஊழியர்களின் பெயர்கள் மட்டுமே பதவி உயர்வுக்கான (Promotion List) பட்டியலில் இடம்பெறும்.

விதியை மீறினால் ஒழுங்கு நடவடிக்கை: குறிப்பிட்ட தேதிக்குள் சொத்து விவரங்களைச் சமர்ப்பிக்கத் தவறினால், அது அரசு ஊழியர்களுக்கான நன்னடத்தை விதிகளை (Government Servants' Conduct Rules) மீறிய செயலாகக் கருதப்பட்டு நடவடிக்கை எடுக்கப்படும்.