விஜயகாந்த் மறைவு - தீவுத்திடலில் 3 ஆயிரம் போலீசார் குவிப்பு.!
three thousand police officer mobalized in theevuthidal for security
நடிகரும், தேமுதிக நிறுவனருமான விஜயகாந்த் உடல்நலக்குறைவால் சென்னை மியாட் மருத்துவமனையில் அனுமதிக்கப்பட்டிருந்த நிலையில் சிகிச்சை பலனின்றி நேற்று காலமானார். அவரின் உடல் தேமுதிக தலைமை அலுவலகத்தில் அஞ்சலிக்காக வைக்கப்பட்ட நிலையில், கட்சி நிர்வாகிகள், தொண்டர்கள், திரையுலகினர் மற்றும் பொதுமக்கள் உள்ளிட்டோர் அஞ்சலி செலுத்தி வந்தனர்.
இந்த நிலையில், விஜயகாந்தின் உடல் பொதுமக்கள் அஞ்சலிக்காக இன்று காலை ஆறு மணி முதல் சென்னை தீவுத் திடலில் வைக்கப்பட்டுள்ளது. அங்கிருந்து மதியம் ஒரு மணி அளவில், விஜயகாந்தின் உடல் ஊர்வலமாக கொண்டுவரப்பட்டு சென்னை கோயம்பேட்டில் உள்ள தேமுதிக அலுவலகத்தில் அடக்கம் செய்யப்பட உள்ளது.
இதற்கிடையே நடிகர் விஜயகாந்தின் உடலுக்கு இறுதி மரியாதை செலுத்துவதற்காக நேற்று இரவு முதலே பல்வேறு மாவட்டங்களில் இருந்து பொதுமக்கள், ரசிகர்கள், தொண்டர்கள் என்று பல்லாயிரக்கணக்கானோர் சென்னை தீவுத்திடலில் குவிந்துள்ளனர். இதற்காக சுமார் 3 ஆயிரம் போலீசார் பாதுகாப்புப் பணியில் ஈடுபட்டுள்ளனர்.
English Summary
three thousand police officer mobalized in theevuthidal for security