தவெக தலை​வ​ர் மற்றும் நடிகர் விஜய் நடித்​துள்ள கடைசிப்​படமான 'ஜன​நாயகன்'பொங்கல் பண்டிகையை முன்னிட்டு, 09 ஆம் தேதி வெளியாகும் என்று எதிர்பார்க்கப்பட்டது. ஆனால் படத்திற்கான தணிக்கை சான்றிதழ் கிடைக்காத நிலையில் படத்தின் வெளியீட்டு தேதி குறிப்பிடப்படாமல் தள்ளிப்போய் உள்ளது.

கேவிஎன் நிறு​வனம் தயாரித்​துள்ள இந்த ஜன நாயகன் படத்தை ஹெச்​.​வினோத் இயக்​கி​யுள்​ளார். படத்​துக்கு தணிக்கை சான்​றிதழ் வழங்க தணிக்கை வாரி​யம் மருத்துள்ளதோடு, படத்தை மறுஆய்​வுக்கு அனுப்​பியுள்ளது. இதை எதிர்த்து படத்​த​யாரிப்பு நிறு​வனம் சார்​பில் சென்னை உயர் நீதி​மன்​றத்​தில் வழக்கு தொடரப்​பட்​டது. இந்த வழக்கை விசா​ரித்த தனி நீதிபதி பி.டி.ஆஷா, 'ஜன நாயகன்' படத்தை மறுஆய்வு குழு​வுக்கு பரிந்​துரை செய்த தணிக்கை வாரிய தலை​வரின் உத்​தரவை ரத்து செய்​தார்.

ஆனால், இந்த உத்​தரவை எதிர்த்து தணிக்கை வாரி​யத்​தின் சார்​பில் மேல்​முறையீட்டு மனு தாக்​கல் செய்​யப்​பட்டது. இதை விசா​ரித்த சென்னை உயர் நீதி​மன்ற தலைமை நீதிபதி எம்​.எம். வாஸ்​தவா தலை​மையி​லான அமர்​வு, தனி நீதிபதி பிறப்பித்த உத்தரவுக்கு தடை விதித்​தது. அத்துடன், இந்த மேல்​முறை​யீட்டு வழக்கை பொங்கல் பண்டிகை முடிந்த பின்னர், ஜனவரி 20-ஆம் தேதிக்கு தள்ளிவைத்​துள்ளதோடு, பதில் மனு தாக்​கல் செய்யுமாறு தயாரிப்பு நிறு​வனத்​துக்கு உத்​தர​விட்​டது.

இதை எதிர்த்து படத் தயாரிப்பு நிறு​வனத்​தின் சார்​பில் வழக்​கறிஞர் இ.சி. அகர்​வாலா உச்ச நீதி​மன்​றத்​தில் மேல்​முறை​யீட்டு மனுவை தாக்​கல் செய்​துள்​ளார். குறித்த மனுவில், சென்னை உயர் நீதி​மன்றத்தின் இடைக்​கால தடையை நிறுத்தி வைக்க வேண்​டும் என்​றும், தணிக்கை வாரி​யத்​தின் வாதத்தை கேட்​காமல் உத்​தர​வைப் பிறப்​பிக்க வேண்​டும் என்​றும் கோரப்​பட்​டுள்​ளது.

இந்த நிலையில், தங்​கள் தரப்பு கருத்தைக் கேட்ட பிறகே எந்​தவொரு உத்​தர​வை​யும் பிறப்​பிக்க வேண்​டும் என்று தணிக்கை வாரி​யத்​தின் வழக்​கறிஞர் அம்​ரீஷ் குமார் கேவியட் மனுவை தாக்​கல் செய்​துள்​ளார். கேவிஎன் தயாரிப்பு நிறு​வனம், அதேநேரத்தில் உச்ச நீதி​மன்​றத்​தில் தாக்​கல் செய்​துள்ள மேல்​முறை​யீட்டு மனு இன்று வி​சா​ரணைக்கு எடுத்​துக்​ கொள்​ளப்​படலாம்​ என்​று எதிர்​பார்க்​கப்​படுகிறது.