திண்டுக்கல் மாவட்டத்தைச் சேர்ந்த கவின் பிரகாஷ் (21), கேரளாவைச் சேர்ந்த முகமது ஆதில் (21), உத்தரபிரதேசத்தைச் சேர்ந்த ரோஹித் சந்திரா (21) உள்ளிட்ட 14 கல்லூரி மாணவர்கள் நேற்று காலை சென்னை பெசன்ட் நகர் எலியட்ஸ் கடற்கரைக்கு சுற்றுலா வந்தனர்.இதில் காலைச் சூரியன் எழுந்த வேளையில், மூவரும் உற்சாகத்துடன் கடலில் இறங்கி குளிக்கத் தொடங்கினர்.

ஆனால் சில நிமிடங்களிலேயே, ராட்சத அலையொன்றின் பேரழுத்தம் அவர்களை திடீரென கடலின் ஆழத்துக்கு இழுத்துச் சென்றது. இதைக் கண்ட சக மாணவர்கள் அதிர்ச்சியில் அலறியபடி உதவி கோரினர்.மேலும், அங்கிருந்த மீனவர்கள் உடனே கடலில் பாய்ந்து, பிரகாஷ் மற்றும் முகமது ஆதிலை மீட்டனர்.

ஆனால் துரதிர்ஷ்டவசமாக, பிரகாஷ் உயிரிழந்தார். முகமது ஆதில் தீவிர நிலையில் மருத்துவமனையில் அனுமதிக்கப்பட்டுள்ளார்.இதேவேளை, மாயமான ரோஹித்தை தேடும் கடலோர காவல்துறையின் தேடுதல் பணி முழு இரவிலும் நடந்தது.

இன்று காலை, ரோஹித்தின் உடல் பட்டினப்பாக்கம் கடற்கரை பகுதியில் ஒதுங்கியிருந்தது கண்டுபிடிக்கப்பட்டது.மேலும், போலீசார் உடலை மீட்டு பிரேத பரிசோதனைக்காக அனுப்பி வைத்தனர். இளம் உயிர்களை காவு கொண்ட இந்த கடல் விபத்து, எலியட்ஸ் கடற்கரை சுற்றுலா பயணிகளுக்கு எச்சரிக்கை மணியாக அமைந்துள்ளது.