ரயில் சேவையில் மாற்றம்: எதிர்வரும் 07, 08, 09, 10-ஆம் தேதிகளில் ஈரோடு-ஜோலார்பேட்டை ரயில் திருப்பத்தூர் வரை மட்டுமே இயக்கப்படும்..!

எதிர்வரும் 07, 08, 09, 10-ஆம் தேதிகளில் ஈரோடு -ஜோலார்பேட்டை ரயில் திருப்பத்தூர் வரை மட்டுமே இயக்கப்படும் என சேலம் ரயில்வே கோட்ட நிர்வாகம் அறிவித்துள்ளது.

ஏனெனில், ஜோலார்பேட்டை-திருப்பத்தூர் மார்க்கத்தில் ரயில்வே சிக்னல் மாற்றியமைக்கும் பணிகள் நடக்கவுள்ளது. இதனால், இந்த மார்க்கத்தில் இயங்கும் சில ரயில்களின் இயக்கத்தில் குறிப்பிட்ட நாட்கள், மாற்றியமைக்க திட்டமிட்டுள்ளது.

இதன்படி, ஈரோடு-ஜோலார்பேட்டை ரயில் (56108) வரும் 07, 08, 09, 10-ஆம் தேதிகளில் ஈரோட்டில் காலை 06 மணிக்கு புறப்பட்டு, சேலம் வழியே திருப்பத்தூர் வரை மட்டுமே இயக்கப்படும் என்று அறிவிக்கப்பட்டுள்ளது.

அத்துடன், திருப்பத்தூர்-ஜோலார்பேட்டை இடையே ஒரு பகுதி ரத்து செய்யப்பட்டுள்ளது. இதேபோல், மறுமார்க்கத்தில் ஜோலார்பேட்டை-ஈரோடு ரயில் (56107) வரும் 07, 08, 09, 10-ஆம் தேதிகளில், ஜோலார்பேட்டை-திருப்பத்தூர் இடையே ஒரு பகுதி ரத்து செய்யப்பட்டுள்ளது. பின்னர் திருப்பத்தூரில் பிற்பகல் 02.45 மணிக்கு புறப்பட்டு, ஈரோட்டிற்கு இயக்கப்படுகிறது என சேலம் ரயில்வே கோட்ட நிர்வாகம் தெரிவித்துள்ளது.