ஆக்ரா ரயி​லில் சூட்​கேசில் உடல் பாகங்​கள் கண்​டெடுக்​கப்​பட்​ட சம்பவம் தொடர்​பாக போலீ​ஸார் மேற்​கொண்ட தீவிர விசாரணையில் திடுக்கிடும் தகவல் வெளியாகியுள்ளது. குறித்த சூட்கேசில் கண்டெடுக்கப்பட்ட சடலம் கூடு​வாஞ்​சேரி அருகே கொலை செய்துவிட்டு அதை மறைத்து  கொண்டு சென்றுள்ளமை கண்டுபிடிக்கபட்டுள்ளது.

இந்த கொடூர சம்பவம் குறித்து போலீஸ் தரப்பில் கூறப்படுவதாவது: கடந்த 05-ஆம் தேதி,  ஆக்​ரா​வுக்கு சென்​ற​ தமிழ்​நாடு எக்​ஸ்​பிரஸ் ரயி​லில் இருந்த சிவப்பு நிற சூட்​கேஸ் ஒன்று கண்டுபிடிக்கப்பட்டது. அதில், சிதைந்த நிலை​யில் சடலம் மீட்கப்பட்டு அதிர்ச்சியை ஏற்படுத்தியது.

இது தொடர்​பாக உத்​தரப்​பிரதேச ரயில்வே மற்​றும் காவல் துறை, தமிழ்​நாடு ரயில்வே காவல் துறை​யின் உதவியை நாடி விசாரணையை தீவிரப்படுத்தியது. அதன்படி, ரயி​லில் ஏறு​வதற்கு முன்​பு, ஓர் ஆணும் ஒரு பெண்​ணும் சிவப்பு நிற சூட்​கேசுடன் சென்னை சென்ட்​ரயிலுக்குள் நுழைவதை சிசிடிவி காட்சி மூலம் கண்​டறிந்​துள்ளனர்.

அவர்​கள் சூட்​கேஸை ஒரு பெட்​டிக்​குள் வைத்​து​விட்​டு, ரயில் புறப்​படு​வதற்கு முன்பே அதிலிருந்து இறங்​கி, புறநகர் ரயி​லில் ஏறி கூடு​வாஞ்​சேரி​யில் இறங்​கியது தெரியவந்துள்ளது.

அதனை கொண்டு, கூடு​வாஞ்​சேரி சுற்​று​வட்​டாரப் பகு​தி​களில் உள்ள  200-க்​கும் மேற்​பட்ட சிசிடிவி காட்​சிகளை போலீ​ஸார் ஆய்வு செய்​தனர். இதில் கூடு​வாஞ்​சேரி மசூதி தெரு​வில் உள்ள வீட்​டிலிருந்து குறித்த தம்​பதி சூட்​கேசுடன் சென்​றது தெரியவந்துள்ளது.

அதன்பின்னர், வீட்​டின் பூட்டை உடைத்து உள்ளே சென்​ற சென்ற போலீசார் தேடுதல் நடத்தியுள்ளனர். அங்​கு, ஒருவரை கொலை செய்து உடலை எலும்பு தனி​யாக, சதை தனி​யாக வெட்டி எடுத்த அடை​யாளம் கண்டுபிடிக்கப்பட்டுள்ளது. அத்துடன், பெரிய பாத்​திரத்​தில் அசைவ உணவு சமைத்​திருப்​பதையும் போலீசார் கண்​டறிந்​துள்ளனர்.

சமைத்த உணவில் மனித உறுப்பு இருப்​ப​தாக சந்​தேகம் எழுந்​த​தால், அந்த பாத்​திரத்தை செங்​கல்​பட்டு அரசு மருத்​து​வக் கல்​லூரி மருத்​து​வ​மனைக்கு ஆய்​வுக்​காக அனுப்​பி​யுள்​ளனர். சம்​பவம் நடந்த வீட்​டில் ஒடி​சாவைச் சேர்ந்த மணிக் உதின் லஷ்கர் ​(40), மஞ்சி (35), ஹையத்​துன் நிஷா (38) வசித்​தது வந்துள்ளமை விசா​ரணை​யில் தெரியவந்துள்ளது.

கடந்த ஜூன் மாதம் அளவில் வீட்டை வாடகைக்கு எடுத்து தம்​ப​தி​யருடன், கொலை செய்​யப்​பட்ட பெண் சேர்ந்து மூவருமாக ஒன்​றாக தங்​கி​யுள்​ளனர். கொலை செய்யப்பட்ட பெண் ஹையத்​துன் நிஷா என கூறப்படுகிறது.

குறித்த பெண் தாம்​பரம் அரு​கே​யுள்ள தனி​யார் நிறு​வனத்​தில் பணிபுரிந்து வந்ததாகவும், கூறப்படுகிறது. இவருக்கு திரு​மண​மாகி 19 வயதில் மகன் இருப்​ப​தை​யும் அறிந்​த போலீசார், அவரிடம் விசா​ரணை மேற்​கொண்​டுள்​ளனர்.

கொலை செய்​யப்​பட்​ட​  ஹையத்​துன் நிஷாவின், தலை இன்​னும் கண்​டு​பிடிக்​கப்​ப​டாத​தால் போலீ​ஸார் தலை​யைத் தேடி வரு​கின்​றனர். ஒடிசாவைச் சேர்ந்த தம்பதிகள் மணிக் உதின் லஷ்கர், மஞ்சியை போலீஸார் கைது செய்துள்ள போலீசார் தீவிர விசாரணை நடத்தி வருகின்றனர். இந்த சம்பவம் பெரும் அதிர்ச்சியை ஏற்படுத்தியுள்ளது.