இன்ஸ்டாகிராம் நட்பு விபரீதம்… 16 வயது சிறுமியை கடத்தி ‘திருமணம்’ செய்த இரு குழந்தைகளின் தந்தை கைது...! எப்படி...?
Instagram friendship takes dangerous turn father two children arrested kidnapping and marrying 16yearold girl
விருதுநகர் மாவட்டம் திருச்சுழி அருகே உள்ள களத்திகுளம் பகுதியைச் சேர்ந்த முனியாண்டி (24), தனியார் நிறுவனத்தில் பணியாற்றி வருகிறார். திருமணமான இவர், இரண்டு குழந்தைகளின் தந்தை என்பதும் குறிப்பிடத்தக்கது.
இதனிடையே, மதுரை மாவட்டம் திருமங்கலம் பகுதியைச் சேர்ந்த 16 வயது சிறுமியுடன் இன்ஸ்டாகிராம் மூலம் அவருக்கு அறிமுகம் ஏற்பட்டதாக கூறப்படுகிறது.
இந்த இணைய நட்பு நாளடைவில் செல்போன் உரையாடல்களாக மாறி, அடிக்கடி தொடர்பில் இருந்துள்ளனர்.இந்த சூழலில், கடந்த நான்கு நாட்களுக்கு முன்பு முனியாண்டி, திருமங்கலம் பேருந்து நிலையத்துக்கு வருமாறு சிறுமியை அழைத்ததாக தெரிகிறது.
அங்கு இருந்து அவளை ஆசை வார்த்தைகள் கூறி அழைத்து சென்று, திருமணம் செய்து கொண்டதாக கூறி தனியாக வாழ்ந்து வந்ததாக தகவல்கள் வெளியாகின.இதற்கிடையே சிறுமி வீட்டில் இருந்து திடீரென மாயமானதை கண்டு அதிர்ச்சி அடைந்த அவரது பெற்றோர், உடனடியாக திருமங்கலம் தாலுகா போலீசில் புகார் அளித்தனர்.
தீவிர விசாரணை மேற்கொண்ட போலீசார், விருதுநகர் மாவட்டத்தில் மறைத்து வைக்கப்பட்டிருந்த சிறுமியை மீட்டனர்.
தொடர்ந்து, சிறுமியை கடத்தி திருமணம் செய்ததாக கூறப்படும் முனியாண்டியை போக்சோ சட்டத்தின் கீழ் கைது செய்து நடவடிக்கை மேற்கொண்டனர்.
English Summary
Instagram friendship takes dangerous turn father two children arrested kidnapping and marrying 16yearold girl