பத்து மாத உண்டியல் பணத்தை ராணுவத்திற்கு அளித்த சிறுவன்.!!

கரூர் பகுதியைச் சேர்ந்தவர்கள் சதீஸ்குமார் - பவித்ரா தம்பதியினர். இவர்களுடைய மகன் தன்விஷ். வெள்ளியணை ஊராட்சி ஒன்றிய தொடக்கப் பள்ளியில் இரண்டாம் வகுப்பு படித்து வரும் இவர் பெற்றோர், உறவினர்கள் கொடுக்கும் பணத்தை, உண்டியலில் சேமித்து வந்துள்ளார்.

இந்த நிலையில், தன்விஷ் தான் சேர்த்து வைத்திருந்த பணத்தை இந்தியா - பாகிஸ்தான் மோதலின் போது எல்லையில் போராடி வந்த ராணுவ வீரர்களுக்கு உதவ, ராணுவத்துக்கு வழங்க முடிவு செய்தார்.

அதன் படி இந்த பணத்தை தன்விஷ் மாவட்ட ஆட்சியரிடம் வழங்கியது பலருக்கும் நெகிழ்ச்சியை ஏற்படுத்தியுள்ளது. அதன் பின்னர் தன்விஷ் செய்தியாளர்களிடம் பேசியபோது, “இந்தியா - பாகிஸ்தான் போரின்போது, நாட்டுக்காக போரிட்ட ராணுவ வீரர்களின் நலனுக்கு பயன்படுத்தும் வகையில் நான் சேமித்த பணத்தை அளித்தேன்.

நம்மை பாதுகாப்பவர்களுக்கு உதவ விரும்பினேன்” என்று தெரிவித்துள்ளார். இவரது செயலை நாடு முழுவதிலுமிருந்து மக்கள் பாராட்டியுள்ளனர்.