முதல்வர் விஜய் நடிகராக இருந்து அரசியலுக்கு வந்தவர். அவர் கட்சி ஆரம்பித்த 02 ஆண்டுகளிலேயே தமிழக சட்டமன்ற தேர்தலில் போட்டியிட்டு, வெற்றிபெற்று முதல்வராக ஆகியுள்ளார். இந்நிலையில், முதல்​வர் விஜய் போலவே, அரசி​யல் களம் இறங்க ஆசைப்பட்டுள்ள நடிகர் தனுஷ், வரும் 2031-ஆ ஆண்டு சட்​டப்​பேரவை தேர்​தலில் நேரடியாக போட்​டி​யிட முடிவு செய்​துள்​ளார்.

தமிழக வெற்​றிக் கழகம் கட்​சியை தொடங்​கிய விஜய், 2 ஆண்​டு​களில் ஆட்​சியை பிடித்​துள்​ளதால் தமிழக அரசி​யலில் பல ஆண்​டு​களாக மாறி, மாறி கோலோச்​சிய திமுக, அதி​முக​வின் செல்​வாக்கு குறைந்​துள்​ளது. 

தமிழக அரசியலில் கடந்த காலங்களில் சினிமா துறையில் இருந்து வந்த எம்​ஜிஆர் அதி​முகவை தொடங்கி ஆட்​சியை பிடித்தார். ஏன் திமுக முன்னாள் மறந்த முதல்வர் கருணாநிதி  அவர்களும் சினிமாவை சார்ந்தவர். அடுத்து மறந்த அதிமுக முதல்வர் செல்வி. ஜெ. ஜெயலலிதா அவர்களும் சினிமாவில் இருந்து அரசியலுக்கு வந்து முதல்வரானவர்தான். திமுக வரிசையில் மு.க. ஸ்டாலின் சினிமாவில் நடித்தவர். உதயநிதி ஸ்டாலின் பல படங்களை தயாரித்துள்ளதோடு, பல படங்களின் நாயகனாவையும் நடித்துள்ளார். தற்போதும் படங்களை தயாரித்து வருகிறார்.

நடிகர்​கள் சிவாஜி கணேசன், பாக்​கிய​ராஜ், டி.​ராஜேந்​தர் உள்​ளிட்​டோர் அரசி​யல் கட்​சியை தொடங்​கினர். ஆனால், அவர்​களால் அரசி​யலில் வெற்றி பெற முடிய​வில்​லை. குறிப்பாக கமல்ஹாசன் அவர்கள் மக்கள் நீதி மையம் என்ற கட்சியை தொடங்கி தற்போது மாநிலங்களவை உறுப்பினராக உள்ளார். ஆனாலும், அவர் அரசியலில் தனித்து வெற்றிப்பெற்றதாக இல்லை. திமுகவில் இணைந்த பிறகுதான் மாநிலங்களவை உறுப்பினராக போட்டியின்றி தேர்வு செய்யப்பட்டார்.

அதே​நேரத்​தில், விஜய் தவெகவை தொடங்கி 2 ஆண்​டு​களில் ஆட்​சியை பிடித்து முதல்​வ​ராகி விட்​ட​தால், நாங்களும் முதல்வர் ஆகிவிடலாம் என்ற எண்ணத்திலா..? அல்லது மக்களுக்கு நல்லது செய்யவேண்டும் எண்ணத்திலும் மற்ற நடிகர்​களும் அரசி​யலில் களம் இறங்க தயா​ராகி வரு​கின்​ற​னர். அதில் மிக முக்கியமாக நடிகர் தனுஷ் புதிய இயக்​கம் தொடங்க நடவடிக்கை எடுத்து வரு​கி​றார்.

இதற்​காக அவர் பல நடவடிக்​கை​களை மேற்​கொண்டு வரு​கி​ன்றமை வெட்டவெளிச்சமாக தெரிகிறது. நடிகர் தனுஷை தொடர்ந்து சமீபத்தில், சூர்​யா, சிவ​கார்த்​தி​கேயன் ஆகி​யோர் தங்​களு​டைய ரசிகர்​கள் சந்​திப்பை நடத்​தி​யுள்​ளனர். ஆனாலும், மற்ற நடிகர்​களை விட, தீவிர அரசி​யலில் ஈடுபட முடிவு செய்​துள்ள தனுஷ், அதற்​கான அனைத்து பணி​களி​லும் மும்முரமாக ஈடு​பட்டு வரு​கி​றார்.

இதற்​கிடை​யில் ''தமிழக எழுச்​சிக் கழகம்'' என்ற பெயரிலான கட்​சியை தேர்​தல் ஆணை​யத்​தில் தனுஷ் தரப்பு பதிவு செய்​துள்​ள​தாக தகவல் வெளி​யாகியுள்ளது. இது குறித்து தனுஷ் தரப்பில் கூறப்பட்டுள்ளதாவது; 

''அரசி​யல் கட்சி தொடங்​கப்​போவது உறு​தி. ஆனால், இன்​னும் கட்சி பெயர் எல்​லாம் தேர்​தல் ஆணை​யத்​தில் பதிவு செய்​ய​வில்​லை. அதி​காரப்​பூர்வ அறி​விப்பு விரை​வில் வெளி​யாகும். அது​வரை ரசிகர்​கள் பொரு​மை​யாக காத்​திருக்க வேண்​டும்.'' என்​று கூறப்படுகிறது.

அதேநேரம், நடிகர் தனுஷ் கட்சி தொடங்​கு​வது தொடர்​பாக சினிமா வட்​டாரத்​தில் கசிந்துள்ள தகவல்படி, நடிகர் ரஜினி​காந்த் கட்சி தொடங்​கி​யிருந்​தால் நிச்​ச​யம் வெற்றி பெற்​றிருப்​பார் என்றும், ஆனால், உடல்​நிலை சரி​யில்​லாத காரணத்​தால், அவர் கட்சி தொடங்​கு​வ​தில் இருந்து பின்​வாங்​கி​னார் என்று குறிப்பிட்டுள்ளார்.

ஆனால், விஜய் கட்சி தொடங்கி அனைத்து எதிர்ப்​பு​களை​யும், இருபெரும் கட்​சிகளான திமுக - அதி​முகவை​யும் சமாளித்​து, ஏன் கரூர் சம்​பவத்​தில் இருந்தும் மீண்​டெழுந்து மாபெரும் வெற்றி பெற்று அரசி​யல் களத்​தையே மாற்​றி​யுள்​ளதாக சுட்டிக்காட்டியுள்ளனர்.

தமிழக தேர்தலில் விஜய்​யின் அபார வெற்​றியை பார்த்த, ரஜினி தரப்​பினர் மற்​றும் அவரது ரசிகர்​கள் நல்​வாய்ப்பை தவற​விட்டு விட்​டோமே என்று ஆதங்​கத்​தில் உள்​ளனர். அந்த ஆதங்​கத்தை போக்​கும் வித​மாகவே, தற்போது அந்த வாய்ப்பை தவற விடக்கூடாது என்பதற்காக ரஜினி​யின் மரு​மக​னாக நடிகர் தனுஷ் அரசி​யல் களம் காண உள்​ளார்.

அதாவது, ரஜினி​யின் மாஸ் பக்​கபலத்​தோடு தீவிர அரசி​யலில் தனுஷ் ஈடுப்பளவுள்ளார். விஜய் போலவே கட்சி தொடங்கி, வரும் உள்​ளாட்சி தேர்​தல், மக்​களவை தேர்​தலில் போட்​டி​யி​டா​மல் நேரடி​யாக 2031-இல் நடை​பெறவுள்ள சட்​டப்​பேரவை தேர்​தலில் போட்​டி​யிட முடிவு செய்​துள்​ளார்.

விஜய் அரசி​யல் கட்சி தொடங்​கிய பிறகு ரஜினிக்​கும், விஜய்க்​கும் இடையி​லான சினிமா போட்டி என்​பது ஒரு வித​மான மோதல் போக்கு போல் மாறியிந்தமை நம் அனைவருக்கும் தெரியும். சமூக வலை​தளங்​களில் இருதரப்​பினரும் ஒரு​வ​ருக்​கொரு​வர் தொடர்ந்து விமர்​சனம் செய்து வந்தனர். 

கடந்த தேர்​தலில் விஜய் வெற்றி பெற்ற உடனே, அவருக்கு வாழ்த்துக்கள் கூட கூறாமல் முதலில், திமுக தலை​வர் மு.க.ஸ்​டா​லினை, ரஜினி நேரில் சந்​தித்து பேசி​யது விமர்​சனத்​துக்​குள்​ளானது.  இதனை தொடர்ந்​து, அந்த சந்​திப்பு குறித்து ரஜினி விளக்​கம் அளித்​தார். ஆனாலும், இருதரப்​பினர் இடையே சமூக வலை​தளங்​களில் மோதல் போக்கு தொடர்ந்து இருந்து கொண்டே தான் இருக்​கிறது.

சட்​டப்​பேரவை தேர்​தல் வெற்​றிக்கு பிறகு முதல்​வர் விஜய்​யை, அவரது இல்​லத்​தி​லும், தலைமைச் செயல​கத்​திலும் கமல்​ஹாசன், சிவ​கார்த்​தி​கேயன், சிலம்​பரசன் உள்​ளிட்ட பல்​வேறு சினிமா பிரபலங்​கள் சந்​தித்து வாழ்த்து தெரி​வித்​தனர். ஆனால், இது​வரை ரஜினி, தனுஷ் ஆகி​யோர் விஜய்யை சந்​திக்​க​வில்​லை. 

ஏற்​க​னவே சினிமா மற்​றும் அரசி​யலில் விஜய்​யுடன் உள்ள மோதல் போக்​கு, தற்​போது புதி​தாக அரசி​யல் கட்சி தொடக்​கம் போன்​றவை​களால் இரு​வ​ரும் முதல்​வர் விஜய்யை நேரில் சந்​திப்​பதை தவிர்த்து இருக்​கலாம் என்று அவர்கள் தரப்பில் குறிப்பிட்டுள்ளனர்.