தூத்துக்குடி மாவட்டம் முழுவதும் சட்டமன்றத் தேர்தலை முன்னிட்டு கண்காணிப்பு கடுமையடைந்துள்ள நிலையில், தேர்தல் பறக்கும் படையினரும் காவல்துறை அதிகாரிகளும் இணைந்து தீவிர வாகன சோதனையில் ஈடுபட்டு வருகின்றனர்.

இந்த நடவடிக்கையின் ஒரு பகுதியாக, கோவில்பட்டி - கடலையூர் சாலையில் கண்காணிப்பில் இருந்த காவலர்கள், சந்தேகத்திற்கிடமாக சாக்கு மூட்டையுடன் வந்த இருசக்கர வாகன ஓட்டியை மறித்து சோதனை செய்தனர்.

அந்த சோதனையில், மூட்டைக்குள் கட்டுக்கட்டாக மறைத்து வைக்கப்பட்டிருந்த பெருமளவு பணம் கண்டுபிடிக்கப்பட்டது என தெரிவிக்கப்படுகின்றது.இதனைத் தொடர்ந்து, தேர்தல் பறக்கும் படை அதிகாரிகளுக்கு உடனடியாக தகவல் தெரிவிக்கப்பட்டது.

சம்பவ இடத்துக்கு விரைந்து வந்த அதிகாரிகள், முத்துக்குமார் தலைமையில் விசாரணை மேற்கொண்டனர். சாக்கு மூட்டையை கொண்டு வந்தவர் கோவில்பட்டி அத்தைகொண்டான் இந்திராநகரை சேர்ந்த உத்தரகுமார் (32) என அடையாளம் காணப்பட்டதாக தெரிவிக்கப்படுகின்றது.

மேலும் மேற்கொண்ட விசாரணையில், அவரிடம் இருந்த ரூ.35 லட்சத்து 72 ஆயிரம் பணத்திற்கு உரிய ஆவணங்கள் எதுவும் இல்லை என்பது வெளிச்சத்துக்கு வந்ததாக தெரிவிக்கப்படுகின்றது.

இதையடுத்து அந்த தொகையை அதிகாரிகள் பறிமுதல் செய்து, மேலதிக விசாரணைக்காக வருமான வரித்துறையினரிடம் ஒப்படைத்ததாக தெரிவிக்கப்படுகின்றது.தேர்தல் சூழ்நிலையில், உரிய ஆதாரங்களின்றி இவ்வளவு பெரிய தொகை பணம் எடுத்துச் சென்ற இந்த சம்பவம், கோவில்பட்டி பகுதியில் கடும் பரபரப்பை ஏற்படுத்தியுள்ளது.