ஆவணமின்றி கடத்திய ரூ.18 கோடி நகைகள் பறிமுதல்...! - அதிரடியில் தேர்தல் பறக்கும் படை...!

தமிழ்நாடு முழுவதும் சட்டமன்றத் தேர்தல் சூழ்நிலை சூடுபிடித்துள்ள நிலையில், வருகிற 23ஆம் தேதி வாக்குப்பதிவு நடைபெறவுள்ளது. இதனை முன்னிட்டு, தேர்தல் நடத்தை விதிமுறைகள் கடுமையாக அமல்படுத்தப்பட்டு, கண்காணிப்பு நடவடிக்கைகள் தீவிரப்படுத்தப்பட்டுள்ளதாக தெரிவிக்கப்படுகின்றது.

வாக்காளர்களை பாதிக்கக்கூடிய பணப்பரிமாற்றங்கள் நடைபெறுகின்றனவா என்பதை கண்காணிக்கும் பொருட்டு, தேர்தல் பறக்கும் படையினரும் காவல்துறை அதிகாரிகளும் இணைந்து தீவிர வாகன சோதனைகளை மேற்கொண்டு வருகின்றனர்.

உரிய ஆவணங்களின்றி எடுத்துச் செல்லப்படும் பணம், நகை போன்றவை உடனடியாக பறிமுதல் செய்யப்படுகின்றன.இந்த நிலையில், சென்னை ஏழுகிணறு பகுதியில் நடைபெற்ற சோதனையின் போது, உரிய ஆவணங்கள் இன்றி கொண்டு செல்லப்பட்ட ரூ.18 கோடி மதிப்பிலான தங்க நகைகள் கைப்பற்றப்பட்டதாக தெரிவிக்கப்படுகின்றது.

இந்த சோதனையில் சிக்கிய இந்த பெரும் மதிப்புள்ள நகைகள், தேர்தல் பறக்கும் படையினரால் பறிமுதல் செய்யப்பட்டு, விசாரணைக்காக வருமான வரித்துறையினரிடம் ஒப்படைக்கப்பட்டுள்ளதாக தெரிவிக்கப்படுகின்றது.

தேர்தல் நேரத்தில் இவ்வாறான பெரும் அளவிலான நகைகள் கைப்பற்றப்பட்ட சம்பவம், நகரம் முழுவதும் பரபரப்பை ஏற்படுத்தியுள்ளதாக தெரிவிக்கப்படுகின்றது.