16வது ஐபிஎல் சீசன் போட்டிகள் கடந்த மார்ச் 31ம் தேதி முதல் தொடங்கி நடைபெற்று வருகிறது. அதன்படி, மே 28 வரை நடைபெற உள்ளது. இந்த சீசனில் மொத்தம் 74 போட்டிகள் நடைபெற உள்ளது. தற்போது லீக் சுற்றுப் போட்டிகள் விறுவிறுப்பாக நடைபெற்று வருகிறது.

இந்த சீசனில் பஞ்சாப் கிங்ஸ் அணி இதுவரை 10 போட்டியில் விளையாடி உள்ள நிலையில் 5 போட்டியில் வெற்றி பெற்று 10 புள்ளிகளுடன் புள்ளி பட்டியலில் 7வது இடத்தில் உள்ளது.

அதேபோல் 10 போட்டியில் விளையாடி உள்ள கொல்கத்தா நைட் ரைடர்ஸ் அணி 4 போட்டியில் வெற்றி பெற்று 8 புள்ளிகளுடன் புள்ளி பட்டியலில் 8வது இடத்தில் உள்ளது.

இந்த நிலையில் நேற்று இரவு 7.30 மணிக்கு கொல்கத்தா ஈடன் கார்டன் மைதானத்தில் நடைபெற்ற  53வது லீக் போட்டியில் பஞ்சாப் கிங்ஸ் அணியும், கொல்கத்தா நைட் ரைடர்ஸ் அணியும் மோதின.

இதில் டாஸ் வென்ற பஞ்சாப் அணி பேட்டிங் தேர்வு செய்தது. அதன்படி முதலில் பேட்டிங் செய்த பஞ்சாப் கிங்ஸ் அணி 20 ஓவர்கள் முடிவில் 7 விக்கெட் இழப்பிற்கு 179 ரன்கள் எடுத்தது. அந்தணியில் சிறப்பாக விளையாடிய தவான் 57 ரன்கள் குவித்தார்.

அதனைத் தொடர்ந்து 180 ரன்கள் எடுத்தால் வெற்றி என்ற இலக்குடன் களமிறங்கிய கொல்கத்தா அணி 20 ஓவர்களில் 5 விக்கெட் இழப்பிற்கு 182 ரன்கள் எடுத்து த்ரில் வெற்றி பெற்றது. அந்த அணியில் அதிரடியாக விளையாடிய ரசல் 23 பந்துகளில் 42 ரன்கள் எடுத்தார்.

கொல்கத்தா அணியின் இந்த வெற்றியின் மூலம் மும்பை பெங்களூர் கொல்கத்தா பஞ்சாப் ராஜஸ்தான் ஆகிய ஐந்து அணிகளும் 10 புள்ளிகளுடன் சம நிலையில் உள்ளது. அதன் காரணமாக இனிவரும் போட்டிகளில் வெற்றி பெறும் அணிக்கு மிகவும் முக்கியமானதாக இருக்கும்.