மகளிர் பிரீமியர் லீக் டி20 கிரிக்கெட் போட்டி இறுதிக்கட்டத்தை எட்டியுள்ளது. அதன்படி, இன்று நடந்த 18-வது லீக் ஆட்டத்தில் உ.பி.வாரியர்ஸ் - ராயல் சேலஞ்சர்ஸ் பெங்களூரு அணிகள் மோதின. போட்டியில், டாஸ் வென்ற பெங்களூரு அணி முதலில், பந்துவீச்சை தேர்வு செய்தது. 

அதன்படி, முதலில் களமிறங்கிய உ.பி.வாரியர்ஸ் அணி நிர்ணயிக்கப்பட்ட 20 ஓவரில் 08 விக்கெட்டுக்கு 143 ரன்கள் மாத்திரம் எடுத்தது. அணியின் சார்பில் அதிகபட்சமாக தீப்தி சர்மா அரை சதம் கடந்து 55 ரன்களில் ஆட்டமிழந்தார். மெக் லேனிங் 41 ரன்னும் எடுத்து ஆட்டமிழந்தார்.

ஆர்சிபி அணி தரப்பில் நாடின் டி கிளார்க் 04 விக்கெட்டும், கிரேஸ் ஹாரிஸ் 02 விக்கெட்டும் வீழ்த்தினர். இதையடுத்து, 144 ரன்கள் எடுத்தால் வெற்றி என்ற இலக்குடன் களமிறங்கிய பெங்களூரு அணி, 13.2 ஓவரில் 02 விக்கெட்டுகளை மாத்திரம் இழந்து 147 ரன்கள் எடுத்து அபார வெற்றி பெற்றது. அதிரடியாக ஆடிய கிரேஸ் ஹாரிஸ் 37 பந்தில் 75 ரன்னும், அணியின் கேப்டன் ஸ்மிருதி மந்தனா 27 பந்தில் 54 ரன்னும் குவித்தனர்.

இதன்மூலம் 08 விக்கெட் வித்தியாசத்தில் பெங்களூரு அணி 06-வது வெற்றியைப் பதிவுசெய்து புள்ளிப்பட்டியலில் முதலிடத்தில் உள்ளது. அத்துடன். முதல் அணியான இறுதி போட்டிக்கு தகுதி பெற்றுள்ளது. இந்த போட்டியில் தோல்வி அடைந்ததன் மூலம் உ.பி.வாரியர்ஸ் கடைசி இடத்தை பிடித்து பிளே ஆப் கனவு தகர்ந்துள்ளது. போட்டியில் இருந்து முதல் அணியாக வெளியேறும் நிலை ஏற்பட்டுள்ளது.