ஐக்கிய அரபு அமீரகத்தில் நடைபெற்று வரும் 17-வது ஆசியக் கோப்பை T20 தொடரின் சூப்பர் 4 சுற்றில், இன்று (ஞாயிற்றுக்கிழமை) கிரிக்கெட் ரசிகர்கள் ஆவலுடன் எதிர்பார்க்கும் இந்தியா – பாகிஸ்தான் மோதல் அரங்கேறுகிறது.

லீக் சுற்றை எளிதாக வென்று, தோல்வியின்றி முதலிடத்தில் நுழைந்த இந்திய அணி, சூப்பர் 4-ல் வெற்றியைத் தொடரும் நோக்கத்தில் களம் இறங்குகிறது. லீக் ஆட்டத்தில் பாகிஸ்தானை வெறும் 127 ரன்களில் கட்டுப்படுத்தி, இலக்கை 15.5 ஓவர்களில் எட்டியிருந்ததால், அணி கூடுதல் நம்பிக்கையோடு உள்ளது.

இந்திய அணியின் வலிமை:

பேட்டிங்: அபிஷேக் ஷர்மா, சுப்மன் கில், கேப்டன் சூர்யகுமார் யாதவ், திலக் வர்மா, சஞ்சு சாம்சன்.பந்து வீச்சு: பும்ரா, குல்தீப் யாதவ், வருண் சக்ரவர்த்தி.ஆல்-ரவுண்டர்கள்: ஹர்திக் பாண்ட்யா, அக்ஷர் பட்டேல், ஷிவம் துபே.அக்ஷர் பட்டேல் காயம் காரணமாக விளையாடுவாரா என்பது சந்தேகமாக உள்ளது. அவர் இல்லாதால் அணிக்கு இழப்பாகும்.

பாகிஸ்தான் அணியின் நிலை:கேப்டன் சல்மான் ஆஹா தலைமையில், 2 வெற்றியுடன் (ஓமன், UAE) அடுத்த சுற்றுக்கு வந்தது.ஆனால் தொடக்க வீரர் சைம் அயூப் தொடர்ச்சியாக டக்-அவுட் ஆகி ஏமாற்றம் அளித்துள்ளார்.மிடில் ஆர்டர் பலவீனமாயிருந்தாலும், பந்து வீச்சில் ஷஹீன் ஷா அப்ரிடி, ஹாரிஸ் ரவுப், அப்ரார் அகமது நல்ல நிலையில் உள்ளனர்.

 இரு அணிகளும் சர்வதேச T20-யில் இதுவரை 14 முறை மோதியுள்ளன. இந்தியா – 11 வெற்றி, பாகிஸ்தான் – 3 வெற்றி.

சர்ச்சைகள், புறக்கணிப்பு மிரட்டல்களுக்கு பிறகு நடைபெறும் இந்த மோதல் ரசிகர்களை மேலும் பரபரப்பாக்கியுள்ளது.

 துபாயில் நடைபெறும் இந்த ஆட்டம் இந்திய நேரப்படி இரவு 8 மணிக்கு துவங்குகிறது. நேரடி ஒளிபரப்பு – Sony Sports 1, 4, 5 சேனல்கள். பலத்த எதிர்பார்ப்பில் இருக்கும் இந்த மோதலில், நெருக்கடியை சமாளிக்கும் அணி கையே வெற்றி பெறும் என சொல்லலாம்.