மேஷம்:

ஆரோக்கியம் தொடர்பான இன்னல்கள் குறையும். எதிர்ப்புகளை சாதுர்யமாக வெற்றி கொள்வீர்கள். தாய்மாமன் வழியில் அனுகூலம் உண்டாகும். விலகி இருந்தவர்களின் மூலம் சாதகமான பலன்கள் ஏற்படும்.  மனதில் இருந்துவந்த கவலைகள் நீங்கி புத்துணர்ச்சி பெறுவீர்கள்.  இயந்திரம் தொடர்பான பணிகளில் இருப்பவர்களுக்கு முன்னேற்றம் ஏற்படும். கீர்த்தி நிறைந்த நாள்.

ரிஷபம்:

மறைமுகமான எதிர்ப்புகளை வெற்றி கொள்வீர்கள். பயணங்களில் இருந்துவந்த காலதாமதம் குறையும். மனதிற்கு விரும்பிய பொருட்களை வாங்கி மகிழ்வீர்கள். கலை சார்ந்த பணிகளில் இருப்பவர்களுக்கு முன்னேற்றம் உண்டாகும். நிர்வாக ஆற்றலை வெளிப்படுத்துவதற்கான சூழ்நிலைகள் சாதகமாக அமையும். மகிழ்ச்சி நிறைந்த நாள்.

மிதுனம்:

குடும்ப உறுப்பினர்களின் ஆதரவு மனதிற்கு மகிழ்ச்சியை ஏற்படுத்தும். வியாபாரத்தில் புதிய சலுகைகளின் மூலம் முன்னேற்றம் ஏற்படும். செய்கின்ற முயற்சிகளில் அனுகூலமான பலன்கள் கிடைக்கப் பெறுவீர்கள். புதிய சொத்துக்கள் வாங்குவதில் விருப்பம் உண்டாகும். விவசாயம் சார்ந்த பணிகளில் மேன்மை ஏற்படும். பொருளாதார நிலை மேம்படும். ஆதரவு கிடைக்கும் நாள்.

கடகம்:

மனதில் இருந்துவந்த குழப்பங்கள் நீங்கி தெளிவு பிறக்கும். வியாபார பணிகளில் வேலையாட்களின் ஒத்துழைப்பு கிடைக்கும். பாகப்பிரிவினை தொடர்பான விஷயங்களில் எதிர்பார்ப்புகள் நிறைவேறும். சிறு மற்றும் குறுந்தொழிலில் இருப்பவர்களுக்கு முன்னேற்றம் உண்டாகும். உத்தியோக பணிகளில் சக ஊழியர்கள் சாதகமாக செயல்படுவார்கள். பொறுமையை கடைபிடிக்க வேண்டிய நாள்.

சிம்மம்:

வியாபார பணிகளில் கொடுக்கல், வாங்கல் சுமூகமாக இருக்கும். குடும்ப உறுப்பினர்களிடத்தில் விட்டுக்கொடுத்து செல்லவும். நண்பர்களுடன் வெளியூர் பயணம் சென்று வருவீர்கள். ஆரோக்கியத்தில் சிறு சிறு உபாதைகள் ஏற்பட்டு நீங்கும். கடன் சார்ந்த பிரச்சனைகள் ஓரளவு குறையும். பிறமொழி பேசும் நபர்களின் அறிமுகம் சிலருக்கு ஏற்படும். இனம்புரியாத சிந்தனைகளின் மூலம் செயல்பாடுகளில் காலதாமதம் ஏற்படும். மதிப்பு அதிகரிக்கும் நாள்.

கன்னி:

எதிர்பார்த்த சில காரியங்கள் நிறைவேறும். மனதிற்கு விரும்பியவர்கள் ஆதரவாக செயல்படுவார்கள். எதிர்பாராத சிலரது சந்திப்பின் மூலம் மாற்றங்கள் ஏற்படும். பேச்சுக்களில் அனுபவ அறிவு வெளிப்படும். உத்தியோக பணிகளில் உயர் அதிகாரிகளிடம் விழிப்புணர்வு வேண்டும். கனிவான பேச்சுக்கள் பலதரப்பட்ட ஆதரவுகளை ஏற்படுத்திக் கொடுக்கும். சிந்தித்து செயல்பட வேண்டிய நாள்.

துலாம்:

உலகியல் நடவடிக்கைகளின் மூலம் மனதில் மாற்றங்கள் உண்டாகும். தொழில் சார்ந்த நிபுணர்களின் ஆலோசனைகள் கிடைக்கும். உடனிருப்பவர்களின் தன்மைகளை புரிந்து கொள்வீர்கள். எதிராக செயல்பட்டவர்கள் சாதகமாக மாறுவார்கள். பலதரப்பட்ட செலவுகளின் மூலம் விரயங்கள் உண்டாகும். சுபகாரியம் தொடர்பான பணிகளில் அலைச்சல்கள் ஏற்படும். சமூகப் பணிகளில் இருப்பவர்களுக்கு செல்வாக்கு அதிகரிக்கும். வெற்றி நிறைந்த நாள்.

விருச்சிகம்:

குடும்ப பெரியோர்களிடத்தில் உங்களின் மதிப்பு அதிகரிக்கும். கல்வி தொடர்பான பணிகளில் முன்னேற்றம் ஏற்படும். குழந்தைகளின் வழியில் மகிழ்ச்சியான செய்திகள் கிடைக்கும். புத்திசாலித்தனமான செயல்பாடுகளின் மூலம் லாபம் ஏற்படும். அரசு தொடர்பான பணிகளில் எதிர்பார்த்த உதவிகள் கிடைக்கும். அதிர்ஷ்டகரமான சில வாய்ப்புகள் கிடைக்கப் பெறுவீர்கள். பூமி விருத்திக்கான எண்ணங்கள் மேம்படும். திறமைகள் வெளிப்படும் நாள். 

தனுசு:

இழுபறியாக இருந்துவந்த தனவரவுகள் கிடைக்கப் பெறுவீர்கள். செயல்பாடுகளில் இருந்துவந்த மந்தத்தன்மை குறையும். கோபத்தை குறைத்துக் கொள்வதன் மூலம் உறவுகள் மேம்படும். வீண் செலவுகளின் மூலம் சேமிப்புகள் குறையும். புதுவிதமான ஆராய்ச்சி சார்ந்த சிந்தனைகள் மேம்படும். உத்தியோக பணிகளில் மறைமுகமான வரவுகள் கிடைக்கப் பெறுவீர்கள். அலைச்சல்கள் நிறைந்த நாள். 

மகரம்:

தன்னம்பிக்கையுடன் புதிய முடிவுகளை எடுப்பீர்கள். உடன்பிறந்தவர்கள் உங்களது எண்ணங்களை புரிந்து ஆதரவாக செயல்படுவார்கள். வியாபாரத்தில் இருந்துவந்த போட்டிகளை சாதுர்யமாக வெற்றி கொள்வீர்கள். உத்தியோக பணிகளில் உயர் அதிகாரிகளிடம் எதிர்பார்த்திருந்த உதவிகள் கிடைக்கும். புதிய நபர்களின் ஆதரவால் நட்பு வட்டம் விரிவடையும். புதிய வியாபார பணிகளில் சிறு தடைகள் ஏற்பட்டு நீங்கும். மேன்மையான நாள்.

கும்பம்:

உத்தியோக பணிகளில் பொறுப்புகள் அதிகரிக்கும். நெருக்கமானவர்களின் மூலம் அலைச்சல்கள் உண்டாகும். கொடுக்கல், வாங்கல் தொடர்பான விஷயங்களில் சிந்தித்து செயல்படவும். வழக்கு சார்ந்த செயல்பாடுகளில் இழுபறியான சூழ்நிலைகள் காணப்படும். தாய்மாமன் வழியில் தேவையற்ற விவாதங்களை தவிர்ப்பது நல்லது. முக்கியமான ஆவணங்களில் கவனத்துடன் இருக்க வேண்டும். சுபமான நாள்.

மீனம்:

குடும்பத்தில் இருந்துவந்த கருத்து வேறுபாடுகள் நீங்கி ஒற்றுமை அதிகரிக்கும். பூர்வீக சொத்துக்களின் வழியில் அனுகூலமான பலன்கள் கிடைக்கும். வெளிவட்டார நட்புகள் மேம்படும். புதிய கூட்டாளிகள் இணைவார்கள். குழந்தைகளால் ஏற்பட்ட கவலைகள் நீங்கும். நினைத்த காரியத்தை எளிதில் செய்து முடிப்பீர்கள். சுபகாரியம் தொடர்பான எண்ணங்கள் ஈடேறும். மனதில் சஞ்சலமான சிந்தனைகள் ஏற்பட்டு நீங்கும். நன்மைகள் நிறைந்த நாள்.