அமெரிக்காவைச் சேர்ந்த தரவு பகுப்பாய்வு நிறுவனமான 'மார்னிங் கன்சல்ட்' (Morning Consult), மார்ச் 2 முதல் 8-ம் தேதி வரையிலான காலக்கட்டத்தில் உலகளாவிய அளவில் இந்தப் புகழ்பெற்ற கருத்துக்கணிப்பை நடத்தியது.

பிரதமர் மோடியின் சாதனை:

பிரதமர் நரேந்திர மோடி, தொடர்ந்து இரண்டாவது ஆண்டாக உலகின் மிகவும் பிரபலமான தலைவர்கள் பட்டியலில் முதலிடம் பிடித்துள்ளார். அவருக்கு 68 சதவீத மக்களின் ஆதரவு கிடைத்துள்ளது.

அவரது ஆட்சி முறை, செயல்படுத்தும் திட்டங்கள் மற்றும் சர்வதேச அளவில் இந்தியாவின் நிலையை உயர்த்தியதற்காக இந்த அங்கீகாரம் கிடைத்துள்ளதாகக் கருதப்படுகிறது.

2-வது இடம்: சுவிட்சர்லாந்து அதிபர் பார்மெலின் (62% ஆதரவு).
3-வது இடம்: தென்கொரியா அதிபர் லீ ஜேம் யுங் (62% ஆதரவு).

டொனால்டு டிரம்ப் (அமெரிக்க அதிபர்): 39 சதவீத ஆதரவுடன் 14-வது இடத்திற்குத் தள்ளப்பட்டுள்ளார். ஈரான் மீது போர் தொடுத்தது அவரது செல்வாக்கு குறைய முக்கியக் காரணமாகக் கூறப்படுகிறது.

மற்றவர்கள்: இங்கிலாந்து பிரதமர் கெய்ர் ஸ்டார்மர் (24%), ஜெர்மனியின் பிரெட்ரிக் மெர்ஸ் (20%), மற்றும் பிரான்ஸ் அதிபர் இமானுவேல் மக்ரான் (17%) ஆகியோர் இந்தப் பட்டியலில் மிகவும் பின்தங்கியுள்ளனர்.

சுமார் 26 சதவீதம் பேர் உலக நாடுகளின் தலைமைத்துவத்தை இன்னும் ஏற்கவில்லை என்றும், 6 சதவீதம் பேர் கருத்துத் தெரிவிக்க மறுத்துவிட்டதாகவும் இந்த ஆய்வு தெரிவிக்கிறது.

சர்வதேச அளவில் நிலவும் அரசியல் மாற்றங்களுக்கு மத்தியிலும் பிரதமர் மோடி தனது செல்வாக்கைத் தக்கவைத்திருப்பது உலக நாடுகளின் கவனத்தை ஈர்த்துள்ளது.