தூத்துக்குடி மாவட்டம் விளாத்திகுளம் அருகே பிளஸ்-2 மாணவி படுகொலை செய்யப்பட்ட வழக்கில் கைது செய்யப்பட்டுள்ள இளைஞர் தர்ம முனீஸ்வரன் (21) குறித்து வெளியாகியுள்ள தகவல்கள் பொதுமக்களை அதிரவைத்துள்ளன.

யார் இந்த தர்ம முனீஸ்வரன்?
கைது செய்யப்பட்ட தர்ம முனீஸ்வரன், பாதிக்கப்பட்ட மாணவி வசித்த அதே வேடநத்தம் கிராமத்தைச் சேர்ந்தவர். லாரி ஓட்டுநராகப் பணியாற்றி வந்த இவருக்கு ஏற்கனவே திருமணமாகி ஒரு குழந்தை உள்ளது. இருப்பினும், அந்த மாணவியை நீண்ட நாட்களாக ஒருதலைக் காதலாகத் துரத்தி (Stalking) வந்துள்ளார்.

விளாத்திகுளம் சிறுமி பாலியல் வன்கொடுமை வழக்கில் கைதான மாவீரன் என்கிற முனீஸ்வரன் கைது..

2020 ஆண்டு 65 வயதுமூதாட்டியை 1/2 சவரன் நகைக்காக பாலியல் வன்கொடுமை செய்து கொலை செய்து 2 வருடங்களுக்குபிறகு கைதானவன். மீண்டும் சிறுமிவழக்கில் கைது..

மூதாட்டி வழக்கில் pic.twitter.com/yUGB0vpKiK

— Kathiravan (@Kathira07115032) March 19, 2026

சம்பவம் நடந்தது எப்படி?
பின்தொடர்தல்: கடந்த மார்ச் 10-ஆம் தேதி காலை, மாணவி இயற்கை உபாதை கழிக்கத் தனியாகச் சென்றதை அறிந்த தர்ம முனீஸ்வரன், அவரைத் தொடர்ந்து சென்றுள்ளார்.

கொடூரத் தாக்குதல்: ஆள் நடமாட்டம் இல்லாத பகுதியில் மாணவியிடம் தவறாக நடக்க முயன்றபோது, அவர் பலமாக எதிர்த்துள்ளார். இதனால் ஆத்திரமடைந்த தர்ம முனீஸ்வரன், தனது குற்றம் வெளியில் தெரிந்துவிடும் என்ற பயத்தில் மாணவியின் கழுத்தை நெரித்துக் கொன்றுவிட்டு, தலையில் கல்லைப் போட்டுச் சிதைத்துள்ளார்.

துப்பு துலங்கியது எப்படி?
சம்பவ இடத்தில் கிடைத்த தலைமுடி மற்றும் நகங்களில் இருந்த ரத்த மாதிரிகளைச் சேகரித்த போலீசார், சந்தேகத்தின் அடிப்படையில் தர்ம முனீஸ்வரனிடம் டிஎன்ஏ (DNA) பரிசோதனை மேற்கொண்டனர். அதன் முடிவுகள் 100% ஒத்துப்போனதைத் தொடர்ந்து, அவர் தனது குற்றத்தை ஒப்புக்கொண்டார்.

இந்தக் கொடூரச் செயலால் அந்த கிராமமே சோகத்தில் ஆழ்ந்துள்ள நிலையில், குற்றவாளிக்குத் தூக்குத் தண்டனை வழங்க வேண்டும் எனப் பொதுமக்கள் கோரிக்கை விடுத்து வருகின்றனர்.