டாக்டர் தமிழிசை சௌந்தரராஜன் தனது வலைத்தளத்தில் வெளியிட்ட பதிவில் கடுமையான கண்டனத்தைத் தெரிவித்தார். அதில் அவர் கூறியதாவது,"தமிழக சட்ட அமைச்சர் ரகுபதியின் கருத்துகள் மிகுந்த பொறுப்பின்மையும், தீய நோக்கத்தையும் வெளிப்படுத்துகின்றன.

தமிழ் ஒன்று… இந்து மதம் ஒன்று என பிரிவினையை உருவாக்கும் முயற்சியில் அவர் ஈடுபட்டு வருவது கண்டிக்கத்தக்கது.தமிழ் பண்பாட்டையும் ஆன்மீகத்தையும் வளர்த்தவர்கள் ஆழ்வார்–நாயன்மார். இன்று நாம் பாடும் தமிழ், ஆண்டாளின் பரிசாக கிடைத்த தமிழ்.

அதை அரசியல் வசதிக்காக மதத்திலிருந்து பிரித்து காட்டுவது ஏற்றுக்கொள்ள முடியாதது.உங்கள் முதலமைச்சர் எத்தனை முருகன் கோவில்களுக்கு சென்றிருக்கிறார்? ஏன் முருகன் திருவிழாக்களுக்குக் கூட வாழ்த்து தெரிவிப்பதில்லை?

இந்து மதத்தையும் தமிழ் சமூகத்தையும் பிரித்து அரசியல் லாபம் பார்க்கும் இந்த தந்திரத்தை மக்கள் ஒருபோதும் பொறுத்துக்கொள்ள மாட்டார்கள்.பாஜக தமிழகத்தை இந்துத்துவ ஆய்வகமாக மாற்றுகிறது என குற்றம் சாட்டுவது ஒரு வெறும் பிம்பம்.

உண்மையில்,இந்துக்களுக்கு தமிழகத்தை துன்பத்தின் சோதனை நிலமாக மாற்றி வைத்திருக்கிறது திமுக அரசு. 2026-ல் திமுக சந்திக்கும் தோல்விக்குப் பிறகு வரும் காலம், அவர்களுக்கு உண்மையான ‘வேதனை காலம்’ ஆக இருக்கும்” என அவர் கூர்ந்தெதிர்வினை பதிவு செய்தார்.