'தொடர் தோல்வி, தவறான பொதுக்குழு மற்றும் செயற்குழு போன்றவற்றால் ஒட்டுமொத்த மக்களின் ஆதரவையும் அதிமுக இழந்துவிட்டது': ஓ.பன்னீர்செல்வம்..!

அதிமுகவின் தொடர் தோல்வி, தவறான பொதுக்குழு மற்றும் செயற்குழு போன்ற நடவடிக்கையால் ஒட்டுமொத்த மக்களின் ஆதரவையும் நம்பிக்கையையும் அதிமுக இழந்துவிட்டதாக ஓ.பன்னீர்செல்வம் தெரிவித்துள்ளார்.

வரும் டிசம்பர் 15-ஆம் தேதி நடைபெறும் ஆலோசனைக் கூட்டத்தில் இறுதி முடிவு எடுக்கப்படும் என்றும், எடுக்கும் முடிவு தொண்டர்கள் விரும்பும் முடிவாக இருக்கும் எனவும் ஓபிஎஸ் தெரிவித்துள்ளார்.
இதனை தொடர்ந்து வைத்திலிங்கம் கூறியுள்ளதாவது:

இன்னும் ஒரு மாதத்தில் அதிமுக ஒருங்கிணைப்பு நடக்காவிட்டால் புதிய கட்சி தொடங்கப்படும் என்றும், வரும் சட்டமன்றத் தேர்தலில் இறுதி முடிவு எடுக்க ஓ.பன்னீர்செல்வத்துக்கு முழு அதிகாரம் இருக்கின்றது. இனி அதிமுக தொண்டர்கள் உரிமை மீட்புக் கழகமாக செயல்படும் எனவும் அறிவித்துள்ளார்.