போன பண்டிகை கொண்டாட்டத்தில் பணம் காணவில்லையே...? ஏன்...? - சீமான் எழுப்பிய அதிரடி கேள்வி

கடந்த ஆண்டு நடைபெற்ற ஈரோடு கிழக்கு சட்டமன்ற இடைத்தேர்தல் காலத்தில், தேர்தல் நடத்தை விதிகளை மீறியதாக நாம் தமிழர் கட்சியின் தலைமை ஒருங்கிணைப்பாளர் சீமான் மீது 6 வழக்குகள் பதிவு செய்யப்பட்டிருந்தன.

இந்த வழக்குகள் தொடர்பான விசாரணைக்காக சீமான் இன்று ஈரோடு நீதிமன்றத்தில் நேரில் ஆஜரானார்.இந்த விசாரணை முடிந்ததும், இந்த வழக்குகள் தொடர்பாக மார்ச் 9-ம் தேதி மீண்டும் ஆஜராக வேண்டும் என நீதிமன்றம் உத்தரவிட்டது.

இதனைத் தொடர்ந்து நீதிமன்ற வளாகத்திலிருந்து வெளியே வந்த சீமான், செய்தியாளர்களை சந்தித்து அரசியல் களத்தை சூடுபிடிக்கச் செய்யும் வகையில் கருத்துகளை வெளியிட்டார்.

அவர் பேசுகையில்,திமுக – அதிமுக இரு கட்சிகளும் மாறிமாறி ஊழல் குற்றச்சாட்டுகளை முன்வைத்து மக்களை குழப்புகின்றன.ஒருவரையொருவர் குற்றம் சாட்டுவது இப்போது வழக்கமான அரசியல் நாடகமாகி விட்டது.

அதிமுக – பாமக கூட்டணி எதிர்பார்த்ததே, அதில் எந்த ஆச்சரியமும் இல்லை.கடந்த முறை பொங்கல் பண்டிகை சமயத்தில் மக்களுக்கு ரூ.3000 வழங்கப்படாதது ஏன்? எனவும் கேள்வி எழுப்பினார்.சீமானின் இந்த கருத்துகள், அரசியல் வட்டாரங்களில் புதிய விவாதங்களை கிளப்பியுள்ளது.