சேலத்தில் SIR: 77.07 % வாக்காளர்களிடம் இருந்து எஸ்ஐஆர் படிவங்கள் திரும்பப் பெறப்பட்டுள்ளதாக தகவல்..!
It is reported that SIR forms have been returned from more than 77 percent of voters in Salem
வாக்காளர் பட்டியல் சிறப்பு தீவிர திருத்தத்தின் படி, சேலம் மாவட்டத்தில் மட்டும் 98.72 % வாக்காளர்களுக்கு படிவங்கள் வழங்கப்பட்ட நிலையில், 77.07 % படிவங்கள் திரும்ப பெறப்பட்டுள்ளதாக தேர்தல் பிரிவு அதிகாரிகள் தெரிவித்துள்ளனர்.
கடந்த மாதம் 04-ஆம் தேதி முதல் வாக்காளர்களுக்கு கணக்கெடுப்பு படிவம் வழங்கப்பட்டு வருகிறது. படிவத்தை நிரப்பிய வாக்காளர்களிடம் இருந்து படிவங்கள் திரும்ப பெறப்பட்டு வருகின்றன. அந்தவகையில் அந்த அந்த பகுதியில் உள்ள வாக்காளர்களிடம் இருந்தும், வசிக்காதவர்கள் உள்ளிட்ட பூர்த்தி செய்த படிவங்களை மீண்டும் பெறும் பணியில் வாக்கு சாவடி நிலை அலுவலர்கள், வாக்கு சாவடி முகவர்கள், மாநகராட்சி , பேரூராட்சி, நகராட்சி, கல்வித் துறை ஊழியர்கள், அரசியல் கட்சிகள் என அனைவரும் ஈடுபட்டு வருகின்றனர்.
அந்தவகையில் சேலம் மாவட்டத்தில், மாநகரில் 03 தொகுதிகளும், மாவட்டத்தில் 08 தொகுதிகளிலும் உள்ளன. இதில் மாநகரில் உள்ள சேலம் மேற்கு தொகுதியில் 98.09 % படிவங்கள் வழங்கிய நிலையில், 66.30 % படிவங்களும் திரும்ப பெறப்பட்டுள்ளன. சேலம் வடக்கு தொகுதியில் 96.18 % படிவங்கள் வழங்கிய நிலையில், 67.63 % படிவங்களும் திரும்ப பெறப்பட்டுள்ளன. சேலம் தெற்கு தொகுதியில் 99.10 % படிவங்கள் வழங்கிய நிலையில், 71.68 % படிவங்களும் திரும்ப பெறப்பட்டுள்ளன.

அத்துடன், சேலம் மாவட்டத்தில் கெங்கவல்லி தொகுதியில் 99.25 % படிவங்கள் வழங்கிய நிலையில், 81.42 % படிவங்களும், ஆத்தூர் தொகுதியில் 98.23 % படிவங்கள் வழங்கிய நிலையில் 81.31 % படிவங்களும், ஏற்காடு தொகுதியில் 99.55 % படிவங்கள் வழங்கிய நிலையில், 78.77 % படிவங்களும், ஓமலூர் தொகுதியில் 99.04 % படிவங்கள் வழங்கிய நிலையில் 82.67 % படிவங்களும் திரும்ப பெறப்பட்டுள்ளன.
மேலும், மேட்டூர் தொகுதியில் 98.94 % படிவங்கள் வழங்கிய நிலையில், 74.21 % படிவங்களும், எடப்பாடி தொகுதியில் 99.79 % படிவங்கள் வழங்கிய நிலையில், 81.13 % படிவங்களும், சங்ககிரி தொகுதியில் 98.10 % படிவங்கள் வழங்கிய நிலையில், 81.30 % படிவங்களும், வீரபாண்டி தொகுதியில் 99.66 % படிவங்கள் வழங்கிய நிலையில், 82.64 % படிவங்களும் திரும்ப பெறப்பட்டுள்ளன.

மேலும், சேலம் மாவட்டத்தில் ஒட்டு மொத்தமாக 30.30 லட்சம் வாக்காளர்கள் உள்ளனர். அதில் 29.91 லட்சம் வாக்காளர்களுக்கு படிவங்கள் வழங்கப்பட்டுள்ளன. இதில் 23.35 லட்சம் வாக்காளர்களிரிடம் இருந்து படிவங்கள் திரும்ப பெறப்பட்டுள்ளன. குறிப்பாக, 98.72 % வாக்காளர்களுக்கு படிவங்கள் வழங்கிய நிலையில், 77.07 % படிவங்கள் திரும்ப பெறப்பட்டுள்ளன. தற்போது வரை, மாவட்டத்தில் 69 ஆயிரம் வாக்காளர்கள் இறந்துள்ளதாகவும் தெரிய வந்துள்ளது.
வாக்காளர்கள் இறப்பு, நிரந்தர குடிபெயர்வு, நிரந்தர முகவரி மாற்றம் என 4.97 % பேர் கண்டறியப்பட்டுள்ளது. வாக்காளர்கள் இறப்பு, நிரந்தர குடிபெயர்வு, நிரந்தர முகவரி மாற்றம் தவிர்த்த இதர வாக்காளர்கள் கணக்கீட்டு படிவத்தை பூர்த்தி செய்து உடடினயாக வழங்க வேண்டும். படிவங்களை வழங்கியவர்களின் பெயர்கள் மட்டுமே வரைவு வாக்காளர்கள் பட்டியலில் இடம் பெறும் என தேர்தல் பிரிவு அதிகாரிகள் தெரிவித்துள்ளனர்.
English Summary
It is reported that SIR forms have been returned from more than 77 percent of voters in Salem