முன்னாள் அமைச்சரும் த.வெ.க. நிர்வாகக் குழு தலைமை ஒருங்கிணைப்பாளருமான கே.ஏ. செங்கோட்டையன், கட்சியில் இணைந்ததிலிருந்து கொங்கு மண்டலத்தில் த.வெ.க. செல்வாக்கை பலமடங்கு உயர்த்தும் அரசியல் யுக்திகளில் தீவிரமாக ஈடுபட்டு வருகிறார்.

நாள் தோறும் பல்வேறு கட்சிகளைச் சேர்ந்த நிர்வாகிகள் த.வெ.க. அணியில் இணைந்துவரும் நிலையில், விரைவில் சில முன்னாள் அமைச்சர்கள், முக்கிய அரசியல் முகங்களும் வரும் என எதிர்பார்க்கப்படுகிறது.இந்நிலையில், ஈரோடு மாவட்டம் நம்பியூர் ஒன்றியத்தில் உள்ள எம்.ஜி.ஆர் நகர் பகுதியில் வசிக்கும் கலைக்கூத்தாடி சமூகத்தினரை செங்கோட்டையன் சந்தித்தார்.

அவரை வரவேற்க அப்பகுதி மக்கள் மத்தாளம் முழக்கத்துடன், பட்டாசு வெடிப்புடன், பூமழை பொழிந்து, ஏராளமான பெண்கள் ஆரத்தி எடுத்து மிகுந்த பாசத்துடன் வரவேற்றனர்.அங்கு பேசிய செங்கோட்டையன், “இங்குள்ள குழந்தைகள் கூட விஜய்க்குதான் ஓட்டு போடுவோம் என்று உரக்கச் சொல்கிறார்கள்.

ஆண்டவர்களே எப்போதும் ஆட்சி செய்ய வேண்டுமா? புதிய முகத்துக்கும் மக்கள் வாய்ப்பு தர வேண்டிய நேரம் வந்துவிட்டது.எல்லோரும் ‘செங்கோட்டையன் அரசியல் முடிந்துவிட்டது’ என்று நினைத்தாலும்… நான் விஜய் என்ற புதிய கப்பலில் ஏறி பயணம் செய்ய ஆரம்பித்து விட்டேன்.

நான் என்று ஒருவன் பெருமை கொண்டால், கடைசியில் ‘ஆண்டவன் தான்’ என்பதை மக்கள் காட்டி விடுவார்கள்.”அவர் மேலும் தன்னம்பிக்கையுடன் தெரிவித்தது என்னவென்றால்,“மக்கள் சக்தியாக உருவெடுத்து வரும் விஜய் 2026-ல் தமிழக முதல்வர் ஆகப் போவது உறுதி.

தமிழகத்தில் மாற்று அரசியல் சக்தியை கட்டமைக்க விஜய் எடுத்த முடிவு மக்களுக்கு புனித ஆட்சி வழங்கும் நோக்குடனானது.அந்தப் பாதையில் நானும் இணைந்து நடக்கிறேன்.”தொடர்ந்து அவர் மக்களிடம் வலியுறுத்திஎதாவது,"யார் வேண்டுமானாலும் உங்கள் வீடுகளுக்கு வாக்கு கேட்டுக் வருவார்கள். அவர்களுக்கு மரியாதையுடன் வணங்குங்கள்…ஆனால் வாக்கு விஜய்க்குத்தான் போடுங்கள்.

விரைவில் சின்னம் அறிவிக்கப்படும். அந்த சின்னத்தை பார்த்து நாடே பிரமிக்கும்! "இவ்வாறு செங்கோட்டையன் மிக விறுவிறுப்பான, புதிய அரசியல் வண்ணத்தில் பேசியது அப்பகுதியில் பரபரப்பை ஏற்படுத்தியது.