மஹிந்திராவின் பிரபலமான XUV 700, 2026-ல் பெரிய அப்டேட்டுடன் ‘XUV 7XO’ என்ற புதிய பெயரில் அறிமுகமாகவுள்ளது. இந்த மாற்றம், இந்திய 7-சீட்டர் SUV சந்தையில் போட்டியை மேலும் தீவிரப்படுத்தியுள்ளது.

2021-ல் அறிமுகமான XUV 700, சக்திவாய்ந்த இன்ஜின், பாதுகாப்பு அம்சங்கள் மற்றும் விலை மதிப்பில் சிறந்த தேர்வாக இருந்து விற்பனையில் பெரிய வெற்றியை பெற்றது. இப்போது அதற்கு மேம்பட்ட ஃபேஸ்லிஃப்ட், புதிய டிசைன் மற்றும் தொழில்நுட்ப அப்டேட்களுடன் XUV 7XO வரவிருக்கிறது.

இந்த வெற்றிக்கு சவால் விடும் வகையில் பல முன்னணி கார் நிறுவனங்களும் புதிய 7-சீட்டர் SUV மாடல்களை தயாரித்து வருகின்றன.

மாருதி சுசுகி மற்றும் டொயோட்டா இணைந்து, கிராண்ட் விட்டாராவை அடிப்படையாகக் கொண்ட 3-வரிசை SUV-களை அறிமுகப்படுத்தவுள்ளன. இதில் 1.5 லிட்டர் ஹைப்ரிட் இன்ஜின் இடம்பெற வாய்ப்பு உள்ளது.

எம்ஜி மோட்டார் தனது முதல் ப்ளக்-இன் ஹைப்ரிட் SUV-யை 2026-ல் அறிமுகப்படுத்த தயாராகி வருகிறது. ஒருமுறை சார்ஜ் செய்தால் 1,000 கி.மீ-க்கு மேல் ரேஞ்ச் வழங்கும் என எதிர்பார்க்கப்படுகிறது.

ரெனோ நிறுவனமும் 2027-ல் புதிய 7-சீட்டர் டஸ்டர் (Boreal) மாடலை கொண்டு வர திட்டமிட்டுள்ளது. இது ஹைப்ரிட் இன்ஜினுடன் வரக்கூடும்.

அதேபோல் கியா மற்றும் ஹூண்டாயும் ஹைப்ரிட் SUV மார்க்கெட்டில் நுழைய தயாராகி வருகின்றன. 3-வரிசை SUV மாடல்கள் மூலம் XUV 7XO-க்கு நேரடி போட்டி கொடுக்கவுள்ளன.

மொத்தத்தில், XUV 7XO வருகையுடன் இந்திய SUV சந்தை புதிய கட்டத்தை எட்டுகிறது. ஹைப்ரிட் மற்றும் எலக்ட்ரிக் தொழில்நுட்பங்களுடன் வரும் இந்த புதிய மாடல்கள், வாடிக்கையாளர்களுக்கு அதிகமான தேர்வுகளை வழங்கவிருக்கின்றன.