தமிழகத்தில் திமுக ஆட்சியை தோல்வியடைய வைத்து கடந்த மே 10-ஆம் தேதி தவெக தலைவர் விஜய் முதல்வராக பதவியேற்றுக்கொண்டார். அதன் பின்னர், கடந்த மே 27-ஆம் தேதி முதல் முறை​யாக டெல்லி சென்று பிரதமர் நரேந்திர மோடி, நிதியமைச்சர் நிர்மலா சீதாராமன் ஆகியோரைச் சந்​தித்​தார்.

அந்த சந்திப்பின் போது தமிழகத்துக்கு தேவையான திட்டங்கள், நிதி ஒதுக்கீடு உட்பட பல்​வேறு கோரிக்​கைகள் அடங்​கிய மனுவை வழங்​கி​னார். அதன் பின்னர் மத்​திய நிதி​யமைச்​சர் நிர்மலா சீதா​ராமனை​யும் சந்​தித்து, தமிழகத்​துக்​குத் தரவேண்​டிய நிலுவை நிதி உள்​ளிட்ட கோரிக்​கைகளை நிறைவேற்ற வேண்டுகோள் விடுத்​தார்.

இந்​நிலை​யில், 03 நாள் பயண​மாக முதல்வர் விஜய் இன்று 02-வது முறை​யாக டெல்லி சென்றுள்ளார்.  நாளை (ஜூன் 11) பிரதமர் நரேந்திர மோடி தலை​மை​யில் அனைத்து மாநில முதல்​வர்​களு​ட​னான நிதி ஆயோக் கூட்​டம், டெல்​லி​யில் நடை​பெறுகிறது. அதில் முதல்வர் விஜய் பங்கேற்கவுள்ளார்.

டெல்லியில் உள்ள குடியரசுத் தலைவர் மாளிகையில் குடியரசுத் தலை​வர் திர​வுபதி முர்​முவை தமிழக முதல்வர் விஜய் இன்று மரியாதை நிமித்தமாக சந்தித்துப் பேசியதோடு,  குடியரசு துணைத் தலைவர் சி.பி.ராதாகிருஷ்ணனையும் முதல்வர் விஜய் சந்தித்து பேசினார்.

முன்னதாக கடந்த முறை டெல்லி சென்ற முதல்வர் விஜய், காங்​கிரஸ் கட்​சி​யின் மூத்த தலை​வர்​கள் சோனியா காந்​தி, ராகுல் காந்தி உள்​ளிட்​டோரை​ சந்திக்க திட்டமிடப்பட்டிருந்தது. ஆனால், ராகுல் காந்தி வேறு பணியில் இருந்ததால் சந்திக்க முடியவில்லை என்று தெரிவிக்கப்பட்டது.

இந்நிலையில், இன்று டெல்லியில் உள்ள காங்கிரஸ் கட்சியின் தலைமையகத்தில் மக்களவை எதிர்க்கட்சித் தலைவர் ராகுல் காந்தி, காங்கிரஸ் மூத்த தலைவர் சோனியா காந்தி ஆகியோரை முதல்வர் விஜய் சந்தித்துப் பேசியுள்ளார். தமிழகத்தில் தவெக அரசுக்கு காங்கிரஸ் கட்சி ஆதரவு தெரிவித்து, அமைச்சரவையில் பங்கேற்றுள்ள நிலையில் இந்தச் சந்திப்பு இடம் பெற்றுள்ளது.