இந்தியாவின் 76-வது குடியரசு தின விழா, 2025-ஆம் ஆண்டு  ஜனவரி 26 ஆம் தேதி நாடு முழுவதும் கோலாகலமாகக் கொண்டாடப்பட்டது, இது 1950-இல் இந்திய அரசிம் விதமாக கொண்டாடப்படுகிறது. இந்த விழாவில் புது தில்லியின் கர்தவ்யா பாதையில் இராணுவ வலிமை, கலாச்சாரப் பன்முகத்தன்மை, மற்றும் நாட்டின் முன்னேற்றத்தைக் காட்டும் பிரமாண்ட அணிவகுப்பு நடைபெறுவது வழக்கமாகும். அதன்படி, கடந்தாண்டு குடியரசு தின விழாவில் இந்தோனேசிய அதிபர் பிரபோவோ சுபியாந்தோ சிறப்பு விருந்தினராகக் கலந்துகொண்டார். 

இந்நிலையில், வரும் 2026-ஆம் ஆண்டு நாட்டின் 77-வது குடியரசு தின சிறப்பு விருந்தினராக ஐரோப்பிய ஆணையத் தலைவர் உர்சுலா வான் டெர் லேயன் மற்றும் ஐரோப்பிய கவுன்சில் தலைவர் அன்டோனியோ கோஸ்டா ஆகியோர் சிறப்பு விருந்தினர்களாகக் கலந்து கொள்வார்கள் என தகவல்கள் வெளியாகியுள்ளன. அத்துடன் குறித்த இரண்டு முக்கிய ஐரோப்பியத் தலைவர்களும் பிரதமர் நரேந்திர மோடி மற்றும் ஜனாதிபதி திரவுபதி முர்மு ஆகியோருடன் சந்திப்பு நடத்த இருக்கின்றனர்.

கடந்த டிசம்பர் 08-ஆம் தேதி இந்தியாவும், ஐரோப்பிய ஒன்றியமும் நீண்டகாலமாக நிலுவையில் உள்ள சுதந்திர வர்த்தக ஒப்பந்தம் குறித்த பேச்சுவார்த்தைகளை மீண்டும் தொடங்கியுள்ளன. இரு தரப்பினரும் இந்த ஆண்டு இறுதிக்குள் இந்த பேச்சுவார்த்தைகளை முடிக்க இலக்கு வைத்துள்ளனர். இதனால் குடியரசு தின விழாவிற்கு ஐரோப்பிய தலைவர்கள் வருகை முக்கியத்துவம் வாய்ந்ததாக பார்க்கப்படுகிறது.

கடந்த கால நாட்டின் குடியரசு தின அணிவகுப்பில் பங்கேற்ற சிறப்பு விருந்தினர்கள் பட்டியல்;

2025- இந்தோனேஷியா அதிபர் பிரபோவா சுபியாண்டோ.

2024- பிரான்ஸ் அதிபர் மேக்ரான்.

2023- எகிப்து அதிபர் அப்தெல் பதா எல் சிசி.

2021-2022-ஆம் ஆண்டுகளில் கொரோனா வைரஸ் பரவல் காரணமாக யாரும் பங்கேற்கவில்லை.

2020- பிரேசில் அதிபர் ஜெயிர் போல்சோனரோ.

2019- தென் ஆப்பிரிக்க அதிபர் சிரில் ரமாபோசா.

2018- ஆசியான் அமைப்பின் 10 நாட்டு தலைவர்கள்.

2017- அபுதாபி பட்டத்து இளவரசர் ஷேக் முகமது ஜயித் அல் நஹ்யான்.

2016- பிரான்ஸ் அதிபர் பிரான்கோயில் ஹோலாண்டே.

2015- அமெரிக்க அதிபராக இருந்த பராக் ஒபாமா.

2014- ஜப்பான் முன்னாள் பிரதமர் ஷின்ஜோ அபே.

2013 - பூடான் அரசர் ஜிக்மே கேசர் நம்கியேல் வாங்சக் ஆகியோர் பங்கேற்றுள்ளனர்.