கூகுள் மேப் பார்த்து மேம்பாலத்தில் சென்ற கார் - விபத்தில் சிக்கி 3 பேர் பலி.!
three peoples died in uttar pradesh
உத்தரபிரதேசம் மாநிலத்தில் உள்ள பரேலியில் இருந்து படாவுன் மாவட்டத்தில் உள்ள டேடாகஞ்ச் நோக்கி கார் ஒன்று சென்றுகொண்டிருந்தது. இதில் 3 பேர் பயணம் செய்தனர்.
கூகுள் மேப் உதவியுடன் சென்றுகொண்டிருந்த போது, அப்பகுதியில் வெள்ளத்தில் இடிந்து கேட்பாரற்று கிடந்த மேம்பாலத்தின் மீது சென்ற கார், 50 அடியில் இருந்து கீழே ஓடும் ஆற்றில் விழுந்து விபத்துக்குள்ளானது.
இதில், காரில் பயணம் செய்த 3 பேர் சம்பவ இடத்திலேயே பரிதாபமாக உயிரிழந்தனர். இதைப்பார்த்து அதிர்ச்சியடைந்த அப்பகுதி மக்கள் சம்பவம் குறித்து போலீஸாருக்குத் தகவல் அளித்தனர். அதன் படி போலீசார் விரைந்து வந்து உயிரிழந்தவர்களின் உடல்களை பிரேத பரிசோதனைக்காக மருத்துவமனைக்கு கொண்டு சென்றனர்.
பின்னர் இந்த விபத்து குறித்து விசாரணை நடத்தியதில் கூகுள் மேப்பை நம்பி சென்றதால் விபத்து நடந்ததாக உயிரிழந்தவர்களின் உறவினர்கள் தெரிவித்தனர். மேலும், பாலம் முழுமையடையாமல் கிடப்பதால், அப்பகுதியாக வரும் வாகனங்களை எச்சரிக்கும் வகையில் அப்பகுதியில் தடுப்புகள் ஏதும் இல்லை என்று துறை அதிகாரிகள் மீது குற்றம்சாட்டினர். இந்த சம்பவம் குறித்து போலீசார் விசாரணை மேற்கொண்டு வருகின்றனர்.
English Summary
three peoples died in uttar pradesh