பீகாரின் கதிஹார் மாவட்டத்தில் கெரபாரி கிராமம் அருகிலுள்ள தேசிய நெடுஞ்சாலையில் பயணித்துக் கொண்டிருந்த பேருந்து, எதிரே வந்த வேனை நேருக்கு நேர் மோதி பெரும் விபத்தை ஏற்படுத்தியது. இந்த துயரச் சம்பவத்தில் 13 பேர் உயிரிழந்ததுடன், மேலும் 30 பேர் கடுமையாக காயமடைந்தனர்.

இந்தச் சம்பவம் குறித்து தகவல் கிடைத்ததும், காவலர்கள் உடனடியாக சம்பவ இடத்துக்கு விரைந்து சென்று, காயமடைந்தவர்களை மீட்டு அருகிலுள்ள மருத்துவமனைகளில் சிகிச்சைக்காக அனுமதித்தனர்.

மேலும், உயிரிழந்தவர்களின் குடும்பங்களுக்கு ரூ.2 லட்சம் மற்றும் காயமடைந்தவர்களுக்கு ரூ.50 ஆயிரம் இழப்பீடு வழங்கப்படும் என முதல்வர் நிதிஷ் குமார் அறிவித்துள்ளார்.இந்த விபத்து குறித்து காவலர்கள் தெரிவிக்கப்படுவதாவது, சம்பவ இடத்திலேயே 8 பேர் உயிரிழந்தனர்.

பின்னர் சிகிச்சைக்காக கொண்டு செல்லப்பட்டவர்களில் மேலும் 5 பேர் உயிரிழந்தனர். காயமடைந்த பயணிகள் தெரிவிக்கப்படுவதாவது, பேருந்து ஓட்டுநர் குடிபோதையில் வாகனம் ஓட்டியதாகவும், முன்பே இரு இடங்களில் வாகனத்தை மோதியதாகவும் கூறியுள்ளனர்.

இதன் தொடர்ச்சியாகவே எதிரே வந்த வேனை மோதி இந்த விபத்து ஏற்பட்டதாகவும் தெரிவிக்கப்படுகின்றது.ஆனால், காவலர் அதிகாரி சுஜீத் குமார் தெரிவித்ததாவது, தொடர்ச்சியாக நடந்த இந்த விபத்தில் இரண்டு இருசக்கர வாகனங்களும் சிக்கியுள்ளன. இருப்பினும், பேருந்து ஓட்டுநர் குடிபோதையில் இருந்ததாக உறுதிப்படுத்தும் எந்த ஆதாரமும் இதுவரை இல்லை.

அவருக்கும் காயம் ஏற்பட்டுள்ளதாக தெரிவிக்கப்படுகின்றது.மேலும், ஜார்கண்டிலிருந்து தங்கள் சொந்த ஊருக்கு சுமார் 40 பேர் வேனில் பயணம் செய்து கொண்டிருந்தபோது இந்த விபத்து நிகழ்ந்ததாகவும், இதில் 13 பேர் உயிரிழந்ததாகவும் தெரிவிக்கப்படுகின்றது.