டாலருக்கு எதிராக ரூபாய் சரிவு: 9 காசுகள் இழந்து 90.74-ல் முடிவு...!

வங்கிகளுக்கு இடையிலான அந்நியச் செலாவணி சந்தையில் இன்று ரூபாய் மதிப்பு ஏற்றத் தாழ்வுகளால் நிரம்பிய அதிரடி நாளை சந்தித்தது. வர்த்தகத்தின் தொடக்கத்தில் டாலருக்கு நிகராக ₹90.66 என்ற நிலையில் இருந்த இந்திய ரூபாய், ஒரு கட்டத்தில் வலுப்பெற்று ₹90.37 வரை முன்னேறி முதலீட்டாளர்களுக்கு நம்பிக்கை அளித்தது.

இது முந்தைய நாளின் முடிவு மதிப்பை விட 28 பைசா உயர்வாக இருந்தது.ஆனால் அந்த முன்னேற்றம் நீடிக்கவில்லை. சர்வதேச சந்தை அழுத்தங்கள் மற்றும் டாலரின் பலம் காரணமாக ரூபாய் மீண்டும் பலவீனமடைந்து ₹90.77 வரை சரிந்தது.

இறுதியில், நாள் முடிவில் 9 காசுகள் இழப்புடன் ₹90.74 என்ற நிலையில் வர்த்தகம் நிறைவடைந்தது.கடந்த வெள்ளிக்கிழமை ரூபாய் ₹90.65 ஆக இருந்த நிலையில், இன்று மேலும் சரிவை பதிவு செய்துள்ளது.

இதற்கு முன் இந்தியா–அமெரிக்கா வர்த்தக ஒப்பந்தம் குறித்த அறிவிப்பால் ரூபாய் 31 பைசா வலுப்பெற்றிருந்தது குறிப்பிடத்தக்கது.

சர்வதேச கச்சா எண்ணெய் விலை மாற்றம், டாலரின் உலகளாவிய பலம், வெளிநாட்டு முதலீட்டின் வரவு-செலவு போன்ற காரணிகள் ரூபாயின் தினசரி பயணத்தை தீர்மானித்து வருகின்றன. இதனால், ரூபாய் மதிப்பு தொடர்ந்து அலைபாயும் நிலையிலேயே உள்ளது.