உலக ஜூனியர் ஸ்குவாஷ் சாம்பியன்ஷிப் போட்டியில் பட்டம் வென்ற முதல் இந்தியர் என்ற பெருமையை அனஹத் சிங் பெற்றுள்ளார். இவருக்கு பிரதமர் மோடி, உள்துறை அமைச்சர் அமித்ஷா ஆகியோர் வாழ்த்து தெரிவித்துள்ளனர்.

க​ன​டா​வின் ஆன்​டாரியோ​வில் உலக ஜூனியர் ஸ்கு​வாஷ் தனி​நபர் சாம்​பியன்​ஷிப் போட்டி நடை​பெற்றது. இதில் மகளிர் பிரிவில் இறுதிப் போட்டியில் எகிப்தின் ருகையா சலீம் உடன் அனஹத் சிங் பலப்பரீட்சை நடத்தினார்.

இந்த மோதலில் உலகத் தரவரிசை​யில் 20-வது இடத்​தில் உள்ள இந்​தி​யா​வின் அனஹத் சிங் 11-3, 11-7, 11-9 என்ற செட் கணக்​கில் வெற்றி பெற்று தங்கம் வென்றுள்ளார்.

இந்த வெற்றியின் மூலம், உலக ஜூனியர் ஸ்கு​வாஷ் தொடரின் போட்​டி​யில் 21 வருடங்களுக்குப் பிறகு கால்​ப​தித்த இந்​தி​யர் என்ற சாதனையை அனஹத் சிங் படைத்​துள்​ளார். கடைசி​யாக 2005-ஆம் ஆண்டு தமிழகத்​தின் ஜோஷ்னா சின்​னப்பா இறு​திப் போட்​டிக்கு முன்​னேறி​யிருந்​தார். தற்போது உலக ஜூனியர் ஸ்கு​வாஷ் தொடரில் சாம்பியன் பட்டம் வென்ற முதல் இந்தியர் என்ற சாதனையை அனஹத் சிங் படைத்துள்ளார்.

கடந்த 2011 முதல் எகிப்து நாட்டை சேர்ந்த வீராங்கனைகள் மட்டுமே இந்த தொடரில் பட்டம் வென்று வந்த நிலையில், அதனை இப்போது அனஹத் சிங் தகர்த்துள்ளார்.

A historic feat at the 2026 World Junior Squash Championship.

Proud of Anahat Singh for winning the Gold Medal and becoming the first Indian squash player ever to win the World Junior Championship title. This accomplishment will further popularise squash among the youth.… pic.twitter.com/NtvHnrKNDQ

— Narendra Modi (@narendramodi) July 26, 2026

இந்த வரலாற்று வெற்றிக் குறித்து தனது சமூக ஊடக எக்ஸ் தளத்தில் பிரதமர் நரேந்திர மோடி வெளியிட்டுள்ள வாழ்த்து செய்தியில் குறிப்பிடப்பட்டுள்ளதாவது;

''2026 உலக இளையோர் ஸ்குவாஷ் சாம்பியன்ஷிப்பில் ஒரு வரலாற்றுச் சாதனை நிகழ்த்தப்பட்டுள்ளது.

தங்கப் பதக்கம் வென்று, உலக இளையோர் சாம்பியன்ஷிப் பட்டத்தை வென்ற முதல் இந்திய ஸ்குவாஷ் வீராங்கனை என்ற பெருமையைப் பெற்ற அனஹத் சிங்கை நினைத்துப் பெருமிதம் கொள்கிறேன். அவரது இந்தச் சாதனை, இளைஞர்களிடையே ஸ்குவாஷ் விளையாட்டை மேலும் பிரபலப்படுத்தும்." என்று தெரிவித்துள்ளார்.

அடுத்ததாக மத்திய உள்துறை அமைச்சர் அமித் ஷா வெளியிட்டுள்ள வாழ்த்துச் செய்தியில் குறிப்பிட்டுள்ளதாவது;

India sets golden landmark in Squash.

Congratulations to Anahat Singh for scripting history by clinching Gold medal at the 2026 World Squash Junior Championships. By becoming the first Indian to win this prestigious title you have scripted a golden path of inspiration for… pic.twitter.com/R5HBaJPl0t

— Amit Shah (@AmitShah) July 26, 2026

"ஸ்குவாஷ் விளையாட்டில் இந்தியா பொன்னான மைல்கல்லைப் பதித்துள்ளது.

2026 உலக ஸ்குவாஷ் ஜூனியர் சாம்பியன்ஷிப் போட்டியில் தங்கப் பதக்கம் வென்று சரித்திரம் படைத்த அனஹத் சிங்குக்கு வாழ்த்துகள். இந்த மதிப்புமிக்க பட்டத்தை வென்ற முதல் இந்தியர் என்ற பெருமையைப் பெற்றதன் மூலம், வளரும் ஸ்குவாஷ் வீரர்களுக்கு உத்வேகம் அளிக்கும் ஒரு பொன்னான பாதையை நீங்கள் வகுத்துள்ளீர்கள்." என தெரிவித்துள்ளார்.