மிஸ் இந்தியா 2026 ...! சாத்வி சதீஷ் சைல் சாதனை...! - கோவாவுக்குப் பெருமிதம்...!

புவனேஸ்வர் நகரை மையமாகக் கொண்டு ஒடிசா மாநிலத்தில் நடைபெற்ற 75வது மிஸ் இந்தியா–2026 அழகிப் போட்டி, கண்கவர் நிகழ்வாக நேற்று பிரமாண்டமாக அரங்கேறியது. நாடு முழுவதிலிருந்தும் தேர்ந்தெடுக்கப்பட்ட திறமையாளர்கள் இறுதிச்சுற்றில் மோதிய நிலையில், போட்டி பரபரப்பின் உச்சத்தை எட்டியது.

இறுதிச்சுற்றில் 30 போட்டியாளர்கள் தங்கள் திறமை, அழகு, நம்பிக்கை ஆகியவற்றை வெளிப்படுத்தி மிளிர்ந்தனர். அவர்களை அனைத்தையும் பின்னுக்குத் தள்ளி, கோவா மாநிலத்தைச் சேர்ந்த சாத்வி சதீஷ் சைல், மிஸ் இந்தியா–2026 பட்டத்தை வென்று புதிய வரலாறு படைத்துள்ளார்.

இந்த வெற்றியின் மூலம், சர்வதேச மேடையில் இந்தியாவை பிரதிநிதித்துவப்படுத்தும் வாய்ப்பையும் அவர் கைப்பற்றியுள்ளார்.இந்தப் போட்டியில் மகாராஷ்டிரா மாநிலத்தைச் சேர்ந்த ராஜ்நந்தினி பவார் இரண்டாம் இடத்தையும், ஜம்மு மற்றும் காஷ்மீர் பகுதியைச் சேர்ந்த ஸ்ரீ அத்வைதா மூன்றாம் இடத்தையும் பிடித்து கவனம் பெற்றனர்.

வெற்றிக்குப் பிறகு உருக்கமாகப் பேசிய சாத்வி சதீஷ் சைல், “இந்த தருணம் எனக்கு கனவாகவே தோன்றுகிறது. உலக மேடையில் இந்தியாவின் முகமாக நிற்கும் வாய்ப்பு கிடைத்தது என் வாழ்வின் பெருமைமிகு அங்கமாகும்” என்று தெரிவித்துள்ளார்.