கர்நாடக மாநிலத்தில் அரசு போக்குவரத்து ஊழியர்கள் இன்று காலையிலிருந்து காலவரையற்ற வேலைநிறுத்தத்தை தொடங்கியுள்ளனர். இதன் காரணமாக அரசுப் பேருந்துகள் பெரும்பாலும் இயக்கம் இல்லாமல் நிற்க, பயணிகள் கடும் சிரமங்களை எதிர்கொண்டு வருகின்றனர்.

ஊதிய உயர்வு உள்ளிட்ட பல்வேறு கோரிக்கைகள் தொடர்பான பேச்சுவார்த்தையில் அரசு உடன்படவில்லை என்பதையடுத்து, ஊழியர்கள் வேலைநிறுத்த அறிவிப்பை மேற்கொண்டனர்.

இதனையடுத்து, பொதுமக்கள் பெரிதும் பாதிக்கப்படும் என்பதைக் கவனத்தில் கொண்டு கர்நாடக உயர் நீதிமன்றம் இடைக்காலத் தடை உத்தரவு பிறப்பித்திருந்தது.

இருப்பினும், அந்த உத்தரவை மீறி வேலைநிறுத்தம் தொடங்கப்பட்டுள்ளது. பெங்களூரு, மைசூரு, மங்களூரு, ஹுப்பள்ளி, தார்வாட், பெலகாவி, சிக்கமகளூரு, சித்ரதுர்கா, ஹாசன், தும்கூர், சிவமொக்கா, கலபுரகி உள்ளிட்ட நகரங்களில் பேருந்து சேவைகள் பெரிதும் பாதிக்கப்பட்டுள்ளன.

தற்காலிகமாக, சில அரசு பேருந்துகள் மட்டும் பயிற்சி ஓட்டுநர்களின் உதவியுடன் இயக்கப்படுகின்றன. தனியார் பேருந்துகளில் மிகுந்த நெரிசலும், அவ்வளவு கட்டண வசதியும் இல்லாததால் மக்கள் இடமாற்றத்திற்கு கடுமையாக தவித்து வருகின்றனர்.

மேலும், இந்த சூழ்நிலையை சுரண்டும் வகையில் சில தனியார் பேருந்துகள், ஆட்டோ ரிக்ஷாக்கள் மற்றும் வாடகை கார்கள் கட்டணத்தை அதிகரித்துள்ளதாக பயணிகள் புகார் தெரிவித்துள்ளனர்.