சிம்லா-குப்வி பாதையில் பேரழிவு...! - தனியார் பேருந்து 500 அடி பள்ளத்தில் கவிழ்ந்து 14 பேர் பலி...!

இமாசல் பிரதேசத்தின் சிர்மாவுர் மாவட்டம் பகுதியில், சிம்லா நகரைத் தொடர்ந்து குப்வி நோக்கி பயணித்த தனியார் பஸ், நேற்று சுமார் 500 அடி பள்ளத்தில் கவிழ்ந்து விபத்தில் சிக்கியது.

இந்த விபத்தில், பலர் உயிரிழந்ததுடன், பயணிகள் 30-க்கும் மேற்பட்டோர் காயமடைந்தனர். அவர்கள் உடனடியாக மீட்கப்பட்டு, அருகிலுள்ள மருத்துவமனைகளில் மருத்துவ சிகிச்சை வழங்கப்பட்டுள்ளது.

தற்போதைய தகவலின்படி, பலியானவர்களின் எண்ணிக்கை 14 ஆக உயர்ந்துள்ளது.இந்த பேரழிவிற்கு பிரதமர் நரேந்திர மோடி இரங்கல் தெரிவித்து, சம்பவத்தில் பாதிக்கப்பட்டோருக்கு நிவாரணம் வழங்கியுள்ளார்.

பிரதமர் அலுவலகத்தின் அறிவிப்பின் படி, தேசிய நிவாரண நிதியிலிருந்து பலியானோரின் குடும்பத்தினருக்கு ரூ.2 லட்சம், காயமடைந்த பயணிகளுக்கு ரூ.50 ஆயிரம் வழங்கப்படும் என கூறப்பட்டுள்ளது.