இந்தியா-பாகிஸ்தான் இடையே போர் நிறுத்தம் அமல்: மே 12-இல் பேச்சுவார்த்தை..!

இந்தியா- பாகிஸ்தான் இடையே இன்று மாலை 05 மணி முதல் போர் நிறுத்தத்தை அமல்படுத்த ஒப்புக் கொண்டுள்ளன. வரும் 12-ஆம் தேதி இரு நாட்டு ராணுவ அதிகாரிகள் போர் நிறுத்தம் தொடர்பில் பேச்சுவார்த்தை நடத்துவார்கள், என வெளியுறவு செயலர் விக்ரம் மிஸ்ரி கூறியுள்ளார்.

இது தொடர்பாக அவர் நிருபர்களிடம் கூறியதாவது: பாகிஸ்தானின் ராணுவ நடவடிக்கைக்கான இயக்குநர் ஜெனரல் (டிஜிஎம்ஓ) நமது நாட்டு டிஜிஎம்ஓ., வை இன்று மாலை 03: 35 மணிக்கு அழைத்து பேசியதாகவும், அப்போது இன்று மாலை 05:00 மணி முதல் தரை, வான் மற்றும் கடல் வழியாக அனைத்து ராணுவ நடவடிக்கைகளையும், துப்பாக்கிச்சூட்டையும் நிறுத்தி கொள்வது என இருதரப்பும் ஒப்புக்கொள்ளப்பட்டது என்றும் அறிவித்துள்ளார்.

இது குறித்து இரு தரப்பும் உரிய அறிவுரைகளை வழங்கியுள்ளது. இருநாட்டு டிஜிஎம்ஓ.,க்களும் வரும் 12-ஆம் தேதி நண்பகல் 12:00 மணிக்கு பேச்சுவார்த்தை நடத்துவார்கள் என்று வெளியுறவு செயலர்
கூறியுள்ளார். அத்துடன், இரு நாடுகளும் போர் நிறுத்தம் செய்ய ஒப்புக்கொண்டதாக, அமெரிக்க அதிபர் டிரம்ப் அறிவிப்பு வெளியிட்ட்டமை குறிப்பிடத்தக்கது.