‘ராக்கிங் ஸ்டார்’ யஷின் ‘டாக்ஸிக்’ டீசர் வெளியீடு...! - கோவா மாஃபியா பின்னணியில் அதிரடி வெடிப்பு...!

மலையாள திரைப்பட உலகின் திறமையான இயக்குநரான கீது மோகன்தாஸ் இயக்கத்தில், ‘ராக்கிங் ஸ்டார்’ யஷ் கதாநாயகனாக நடிக்கும் டாக்ஸிக் திரைப்படம் மிகுந்த எதிர்பார்ப்பை ஏற்படுத்தியுள்ளது.

1940 முதல் 1970 வரை கோவாவில் வேரூன்றியிருந்த போதைப்பொருள் கடத்தல் வலையமைப்புகள், அண்டர்வேர்ல்ட் மாஃபியா கும்பல்கள் மற்றும் அதனைச் சுற்றிய இருண்ட குற்ற உலகம் ஆகியவற்றை மையமாகக் கொண்ட அதிரடி–த்ரில்லர் கதையாக இப்படம் உருவாகியுள்ளது.

வரலாற்றுப் பின்னணியுடன் கூடிய இந்தக் கதை, சஸ்பென்ஸ் மற்றும் ஆக்ஷன் கலந்த பரபரப்பான திரைக்கதையால் ரசிகர்களை கவரும் வகையில் வடிவமைக்கப்பட்டுள்ளது.

நடிகை கியாரா அத்வானி, தாரா சுதாரியா, நயன்தாரா, ஹூமா குரேஷி மற்றும் ருக்மிணி வசந்த் உள்ளிட்டோர் முக்கிய கதாபாத்திரங்களில் நடித்துள்ளனர்.

மேலும், பல மொழி ரசிகர்களையும் இலக்காகக் கொண்டு,தெலுங்கு, தமிழ், மலையாளம், கன்னடம் ஆகிய மொழிகளில் இப்படம் மார்ச் 19ஆம் தேதி திரையரங்குகளில் வெளியாகவுள்ளது.

இதற்கிடையில், படத்தின் டீசர் இன்று காலை வெளியிடப்பட்டு, யஷின் மாஸ் லுக் மற்றும் இருண்ட காட்சிகளால் சமூக வலைதளங்களில் பெரும் வரவேற்பைப் பெற்றுள்ளது.