புதுடெல்லி, ஜூலை 15, 2025:
இந்திய அடையாள அட்டைப் திட்டமான ஆதார் தொடர்பாக மத்திய ஆதார் ஆணையம் (UIDAI) இன்று முக்கிய அறிவிப்பை வெளியிட்டுள்ளது. அதன்படி, 5 முதல் 7 வயதுக்குள் உள்ள குழந்தைகளின் பயோமெட்ரிக் விவரங்களை உடனடியாக புதுப்பிக்க வேண்டும் என தெரிவிக்கப்பட்டுள்ளது.

UIDAI கூறியதாவது, “ஏழு வயதுக்கு முன்னதாகவே குழந்தைகளின் கைரேகை, கருவிழி உள்ளிட்ட பயோமெட்ரிக் விவரங்களை இலவசமாக பதிவு செய்து, ஆதார் பதிவு மையங்களில் அப்டேட் செய்து கொள்ள வேண்டும். இல்லையெனில், குழந்தைக்கு வழங்கப்பட்ட ஆதார் எண் ரத்து செய்யப்படலாம்” என எச்சரிக்கப்பட்டுள்ளது.7 வயதுக்கு பிறகு அப்டேட் செய்தால் ₹100 கட்டணம் வசூலிக்கப்படும் என்றும் தெரிவித்துள்ளனர்.

 ஏற்கனவே எச்சரிக்கை எஸ்எம்எஸ் அனுப்பப்பட்டு வருகிறது

5 முதல் 7 வயதுக்குட்பட்ட குழந்தைகளின் பெற்றோருக்கான மெசேஜ் சேவை மூலமாக UIDAI நினைவூட்டல் செய்து வருகிறது. பதிவுசெய்யப்பட்ட மொபைல் எண்ணுக்கு எஸ்எம்எஸ் அனுப்பப்பட்டு, பயோமெட்ரிக் அப்டேட்டிற்கான அவசரத்தையும், இலவசச் சலுகையையும் நினைவூட்டுகிறது.

 ஏன் இந்த அப்டேட் அவசியம்?

UIDAI விளக்குவதாவது,“5 வயதுக்குள் குழந்தைகளின் கைரேகை மற்றும் கருவிழி போன்ற பயோமெட்ரிக் தகவல்கள் முழுமையாக வடிவமைக்கப்படவில்லை. எனவே, அந்த வயதிலேயே இவை பதிவு செய்யப்படுவதில்லை. ஆனால், வளர்ச்சியுடன் அவை நிலைப்படுத்தப்படுவதால், 5 வயதிற்குப் பிறகு அவற்றை பதிவு செய்வது அவசியமாகிறது.”

எதற்கெல்லாம் இது முக்கியம்?

புதுப்பிக்கப்பட்ட ஆதார்:

• பள்ளியில் சேர்க்கை

• நுழைவுத் தேர்வுகள் பதிவு

• கல்வி உதவித்தொகைகள்

• DBT திட்டங்கள்
  ...இவற்றைத் தடையின்றி பெற உதவுகிறது என UIDAI விளக்குகிறது.

 பெற்றோர், பாதுகாவலர்கள் என்ன செய்ய வேண்டும்?

• உங்கள் குழந்தையின் வயது 5-7 இடையே இருக்குமானால், அருகிலுள்ள ஆதார் சேவை மையத்துக்குச் சென்று பயோமெட்ரிக் அப்டேட் செய்து கொள்ள வேண்டும்.

• இது முழுமையாக இலவசம், ஆனால் 7 வயதுக்கு பிறகு ₹100 கட்டணம் செலுத்த வேண்டி இருக்கும்.

• ஆதார் எண் ரத்து செய்யப்படும் அபாயத்தைத் தவிர்க்க, உடனடியாக நடவடிக்கை எடுக்கப்பட வேண்டும்.

இந்த அப்டேட் எந்த விதமான புதுப் பதிவு அல்ல – ஏற்கனவே உள்ள ஆதார் எண்ணில், பயோமெட்ரிக் தகவல்களை மட்டுமே இணைக்கும் நடவடிக்கையாகும்.