இன்றைய வேகமான வாழ்க்கையில், சமையலுக்கும் நேரமில்லை என பலர் பிரஷர் குக்கரை நம்பிக்கையுடன் பயன்படுத்தி வருகின்றனர். குறைந்த நேரத்தில் சாதம், குழம்பு, காய்கறிகள் என அனைத்தையும் விரைவாக சமைக்க முடியும் என்பதால்தான், இது இப்போது ஒவ்வொரு வீட்டிலும் பொதுவான பொருளாகிவிட்டது. ஆனால் சிலர் குக்கரில் சமைத்த உணவு சத்துகள் இல்லாதது, நீண்ட காலம் சாப்பிட்டால் சர்க்கரை நோயை உண்டாக்கும் என பதற்றமூட்டுகிறார்கள். உண்மையில் இது எவ்வளவு வரை நம்பத்தகுந்தது என்பதை இங்கே பார்ப்போம்.

 குக்கர் சமையலின் அடிப்படை உண்மை

பிரஷர் குக்கர் என்பது, அதிக அழுத்தத்திலும் வெப்பத்திலும் உணவை வேக வைப்பது என்பதே அதன் தத்துவம். இதன் மூலம் உணவு விரைவாக வெந்துவிடும். குறிப்பாக அரிசி வகைகளை சமைக்கும் போது, அதில் காணப்படும் கார்போஹைட்ரேட், ஸ்டார்ச் என்று அழைக்கப்படும் அமிலோஸ் மற்றும் அமிலோபெக்டின் ஆகியவற்றில் இருந்து இரத்த சர்க்கரையினை உருவாக்கும் “குளுக்கோஸ்” சீக்கிரம் சுரிகப்படுகிறது.

அதனால் தான், சர்க்கரை நோயாளிகள் அதிக கார்போஹைட்ரேட் உணவைத் தவிர்க்க வேண்டும் என மருத்துவர்கள் கூறுகிறார்கள். ஆனால் இது குக்கரில் சமைத்ததால்தான் அதிகம் உண்டாகிறது என்ற அர்த்தமல்ல.

 குக்கர் சாதம் Vs வடித்த சாதம்

ஒரு அரிசி தானியத்தின் மேற்பகுதியில் 10% ஸ்டார்ச் மற்றும் உட்பகுதியில் 90% ஸ்டார்ச் இருக்கும். சாதத்தை வடிக்கும்போது மேலிருக்கும் 10% ஸ்டார்ச் மட்டும் நீருடன் வெளியேறுகிறது. ஆனால் குக்கரில் சமைக்கும்போது இந்த ஸ்டார்ச் அனைத்தும் உணவில் இருந்து விடாது, அதே நீரில் வெந்து உணவில் இருந்து விடும்.

இதற்காக குக்கர் சாதம் உடனே சர்க்கரை நோயை உண்டாக்கும் என்று கூற முடியாது. ஏனெனில், இரத்தத்தில் சர்க்கரையை அதிகரிக்கும் முக்கிய காரணம் – உணவில் எடுக்கப்படும் ஸ்டார்ச் மற்றும் கார்போஹைட்ரேட் அளவு மட்டும்தான். அதை எந்த முறையில் சமைத்தாலும், நீங்கள் எடுத்துக்கொள்ளும் அளவுதான் முக்கியம்.

 காய்கறி, அரிசி மற்றும் சத்துக்கள்

காய்கறிகளை வேக வைத்து சாப்பிடும்போது, அதில் உள்ள வைட்டமின்கள், கனிமங்கள் போன்றவை நீரில் கரைந்து வெளியேறும். இது “லீச்சிங்” எனப்படும். அந்த நீரை வடித்துவிடும் பழக்கத்தில், முக்கியமான சத்துக்களை நாம் இழந்து விடுகிறோம்.

ஆனால் குக்கரில் சமைக்கும் போது, நீர் வடிக்கப்படுவதில்லை. அதனால் எல்லா சத்துகளும் உணவில் இருகின்றன. குறிப்பாக, கைக்குத்தல் அரிசி அல்லது கவுனி அரிசியை குக்கரில் சமைத்தால், முழு சத்துக்களும் பாதுகாக்கப்படலாம்.

 பொதுவாக பரவும் தவறான புரிதல்கள்

• குக்கர் உணவில் சத்து இல்லை – தவறு. நீர் வடிக்கப்படாததால், சத்துக்கள் குன்றுவதில்லை.

• சர்க்கரை நோய்க்கு காரணம் குக்கர் சாதம் – தவறு. உணவின் அளவுக்கும், வாழ்க்கை முறைக்கும் முக்கிய பங்கு உண்டு.

• குக்கர் உணவு ஹார்ம் செய்யும் – விஞ்ஞான ஆதாரம் இல்லை. சமைப்பது எப்படி என்பதைவிட, என்ன சமைக்கிறோம் என்பதே முக்கியம்.

தீர்மானம்: குக்கர் உணவால் பயப்பட வேண்டாம்

குக்கரில் சமைப்பது உடலுக்கு கேடு என்ற ஊசலாட்டமான செய்திக்கு நம்பிக்கை வழங்க வேண்டியதில்லை. உணவின் அளவையும், அதன் ஊட்டச்சத்துக்களையும் கவனித்துக் கொண்டு சமைக்கிறோம் என்றால், குக்கர் உணவையும் நம்முடைய நலனுக்கே பயன்படுத்தலாம்.